Jańa Konstitýtsiianyń kúshine enýi memleket pen qoǵam arasyndaǵy ashyq dialogty nyǵaitýǵa, sondai-aq azamattardyń belsendi qoǵamdyq ustanymyn qalyptastyrýǵa negiz bolady. Bul týraly Qazaqstannyń Qoǵamdyq damý institýty Qoǵamdyq protsesterdi zertteý ortalyǵynyń qoǵamdyq protsesterdi zerdeleý jáne boljaý bóliminiń bas sarapshysy Inara Karibaeva aitty, dep habarlaidy dalanews.kz.
Onyń pikirinshe, jańa Negizgi zańnyń kúshine enýi memleketti odan ári damytý jáne azamattyq qoǵamnyń rólin kúsheitý turǵysynan mańyzdy qadam.
«Meniń oiymsha, jańa Konstitýtsiia memleket pen qoǵamdy odan ári damytý úshin mańyzdy negiz qalyptastyrady. Ásirese konstitýtsiialyq ózgeristerdiń ózeginde adamnyń, onyń quqyqtary men qadir-qasietiniń, sondai-aq el ómirine qatysý múmkindiginiń qalýy mańyzdy. Bul azamattardyń belsendi qoǵamdyq ustanymyn qalyptastyrýǵa jol ashady. Iaǵni halyq ózin memlekettik qyzmetterdi jai ǵana alýshy retinde emes, qoǵamdyq protsesterdiń tolyqqandy qatysýshysy retinde qabyldai bastaidy», – dedi Inara Karibaeva.
Sarapshynyń aitýynsha, jańa Konstitýtsiia qoǵamdyq dialog júrgizý jáne azamattardy mańyzdy sheshimderdi qabyldaý protsesine tartý múmkindigin keńeitedi.
«Azamattyq qoǵam úshin jańa Konstitýtsiia dialog keńistigin keńeitip, qoǵamdyq qatysýdyń mańyzyn arttyrady. Qazaqstan Halyq Keńesiniń qurylýy memleket pen halyqtyń túrli toptary, óńirler jáne azamattyq qoǵam institýttary arasyndaǵy bailanysty nyǵaitatyn mańyzdy tetikke ainalýy múmkin. Mundai alań ártúrli pikirlerdi biriktirýge, qoǵam úshin mańyzdy máselelerdi talqylaýǵa jáne el damýynyń basymdyqtary jóninde ortaq túsinik qalyptastyrýǵa múmkindik beredi», – dedi ol.
Inara Karibaevanyń pikirinshe, jańa Konstitýtsiianyń basty qundylyǵy – memleket pen qoǵam arasyndaǵy ózara bailanysty kúsheitý.
«Jalpy, jańa Konstitýtsiia neǵurlym ashyq, ádiletti ári adamǵa baǵdarlanǵan memleket qurýǵa negiz qalyptastyrady. Onyń mańyzy – eldiń damýy endi memlekettik institýttardyń tiimdiligimen ǵana emes, azamattardyń belsendiligimen, qoǵamdyq dialogtyń sapasymen jáne Qazaqstannyń bolashaǵy úshin memleket pen qoǵamnyń ortaq jaýapkershiligimen de tyǵyz bailanysty bola túsetininde», – dep qorytyndylady sarapshy.
