Shyǵys Qazaqstan oblysynda Zaisan kólinde qaiyq aýdarylyp, sýǵa ketken eki balyqshyny izdestirý-qutqarý jumystary aiaqtaldy, dep habarlaidy dalanews.kz.
Oqiǵa 15 qyrkúiekte Tarbaǵatai aýdanynyń Tuǵyl aýyldyq okrýginde bolǵan. Úsh er adam kólge qaiyqpen balyq aýlaýǵa shyqqan. Qatty jel saldarynan qaiyq aýdarylyp ketken.
1968 jyly týǵan balyqshylardyń biri ózdiginen sýdan shyǵyp, jergilikti turǵyndar tarapynan qutqaryldy. Al 1968 jáne 1995 jyldary týǵan eki er adam sýǵa batyp ketken. Qaza tapqan balyqshylardyń qutqarý keýdesheleri bolmaǵan.
Oqiǵa týraly aqparat túskennen keiin kól jaǵasynda Tótenshe jaǵdailar ministrliginiń jedel shtaby quryldy. Izdestirý jumystaryna TJM súńgýirleri, qutqarý katerleri, qaiyqtar men basqa da júzý quraldary, ushqyshsyz ushý apparattary jáne sý asty drony jumyldyryldy. Jergilikti turǵyndar da izdeý jumystaryna qatysty.
Búgin izdestirý barysynda jergilikti turǵyndar 1968 jyly týǵan balyqshynyń denesin tapty. Al 1995 jyly týǵan ekinshi balyqshynyń denesin TJM súńgýirleri jaǵadan 8,9 shaqyrym qashyqtyqtan anyqtady.
Izdestirý jumystary táýlik boiy júrgizildi. Qutqarýshylar kóldiń edáýir bóligin, sonyń ishinde sý asty tehnikalyq quraldaryn paidalana otyryp tekserdi. TJM súńgýirleri barlyǵy segiz ret sýǵa tústi.
Qutqarýshylardyń jumysyna kóldiń tereńdigi, túbiniń kúrdeli jer bederi jáne sý astyndaǵy kórinýdiń tómen bolýy qiyndyq keltirgen. Soǵan qaramastan, izdestirý toptary túrli izdeý quraldary men sý asty jabdyqtaryn paidalanyp, kól aidynyn tolyq tekserýdi jalǵastyrdy.
