شىعىس قازاقستان وبلىسىندا زايسان كٶلٸندە قايىق اۋدارىلىپ, سۋعا كەتكەن ەكٸ بالىقشىنى ٸزدەستٸرۋ-قۇتقارۋ جۇمىستارى اياقتالدى, دەپ حابارلايدى dalanews.kz.
وقيعا 15 قىركٷيەكتە تارباعاتاي اۋدانىنىڭ تۇعىل اۋىلدىق وكرۋگٸندە بولعان. ٷش ەر ادام كٶلگە قايىقپەن بالىق اۋلاۋعا شىققان. قاتتى جەل سالدارىنان قايىق اۋدارىلىپ كەتكەن.
1968 جىلى تۋعان بالىقشىلاردىڭ بٸرٸ ٶزدٸگٸنەن سۋدان شىعىپ, جەرگٸلٸكتٸ تۇرعىندار تاراپىنان قۇتقارىلدى. ال 1968 جەنە 1995 جىلدارى تۋعان ەكٸ ەر ادام سۋعا باتىپ كەتكەن. قازا تاپقان بالىقشىلاردىڭ قۇتقارۋ كەۋدەشەلەرٸ بولماعان.
وقيعا تۋرالى اقپارات تٷسكەننەن كەيٸن كٶل جاعاسىندا تٶتەنشە جاعدايلار مينيسترلٸگٸنٸڭ جەدەل شتابى قۇرىلدى. ٸزدەستٸرۋ جۇمىستارىنا تجم سٷڭگۋٸرلەرٸ, قۇتقارۋ كاتەرلەرٸ, قايىقتار مەن باسقا دا جٷزۋ قۇرالدارى, ۇشقىشسىز ۇشۋ اپپاراتتارى جەنە سۋ استى درونى جۇمىلدىرىلدى. جەرگٸلٸكتٸ تۇرعىندار دا ٸزدەۋ جۇمىستارىنا قاتىستى.
بٷگٸن ٸزدەستٸرۋ بارىسىندا جەرگٸلٸكتٸ تۇرعىندار 1968 جىلى تۋعان بالىقشىنىڭ دەنەسٸن تاپتى. ال 1995 جىلى تۋعان ەكٸنشٸ بالىقشىنىڭ دەنەسٸن تجم سٷڭگۋٸرلەرٸ جاعادان 8,9 شاقىرىم قاشىقتىقتان انىقتادى.
ٸزدەستٸرۋ جۇمىستارى تەۋلٸك بويى جٷرگٸزٸلدٸ. قۇتقارۋشىلار كٶلدٸڭ ەدەۋٸر بٶلٸگٸن, سونىڭ ٸشٸندە سۋ استى تەحنيكالىق قۇرالدارىن پايدالانا وتىرىپ تەكسەردٸ. تجم سٷڭگۋٸرلەرٸ بارلىعى سەگٸز رەت سۋعا تٷستٸ.
قۇتقارۋشىلاردىڭ جۇمىسىنا كٶلدٸڭ تەرەڭدٸگٸ, تٷبٸنٸڭ كٷردەلٸ جەر بەدەرٸ جەنە سۋ استىنداعى كٶرٸنۋدٸڭ تٶمەن بولۋى قيىندىق كەلتٸرگەن. سوعان قاراماستان, ٸزدەستٸرۋ توپتارى تٷرلٸ ٸزدەۋ قۇرالدارى مەن سۋ استى جابدىقتارىن پايدالانىپ, كٶل ايدىنىن تولىق تەكسەرۋدٸ جالعاستىردى.
