Izraildiń qorǵanys ministri Israel Kats Iranda taǵaiyndalatyn kez kelgen jańa basshy Izrail armiiasy úshin "joiylýa qajet nysanaǵa" ainalatynyn málimdedi, dep habarlaidy Dalanews.kz.
Onyń aitýynsha, Izraildi joiý josparyn jalǵastyratyn, AQSh pen óńir elderine qaýip tóndiretin jáne iran halqyn qysymda ustaityn kez kelgen tulǵaǵa qarsy qatań shara qoldanylady.
"Onyń aty-jóni kim ekeni nemese qaida jasyrynyp júrgeni mańyzdy emes", - dep jazdy Kats H jelisinde.
Ministr bul tapsyrmany premer-ministr Biniamin Netaniahýmen birge Izrail armiiasyna júktegenin aityp, áskerge daiyndyq júrgizip, barlyq qajet sharany qabyldaýdy tapsyrǵanyn jetkizdi.
Buǵan deiin birqatar BAQ Irannyń sarapshylar assambleiasy Islam revoliýtsiiasy saqshylary korpýsynyń qysymymen Modjtaba Hameneidi eldiń kelesi joǵarǵy kósemi etip tańdaǵanyn habarlaǵan edi.
