Оның айтуынша, Израильді жою жоспарын жалғастыратын, АҚШ пен өңір елдеріне қауіп төндіретін және иран халқын қысымда ұстайтын кез келген тұлғаға қарсы қатаң шара қолданылады.

"Оның аты-жөні кім екені немесе қайда жасырынып жүргені маңызды емес", - деп жазды Кац Х желісінде.

Министр бұл тапсырманы премьер-министр Биньямин Нетаньяхумен бірге Израиль армиясына жүктегенін айтып, әскерге дайындық жүргізіп, барлық қажет шараны қабылдауды тапсырғанын жеткізді.

Бұған дейін бірқатар БАҚ Иранның сарапшылар ассамблеясы Ислам революциясы сақшылары корпусының қысымымен Моджтаба Хаменеиді елдің келесі жоғарғы көсемі етіп таңдағанын хабарлаған еді.