Izrail Iran islam revoliýtsiiasy saqshylar korpýsynyń barlaý qyzmetin basqarǵan Madjid Hademidiń kózin joiǵanyn málimdedi, dep habarlaidy Dalanews.kz.
Bul týraly Izraildiń qorǵanys ministri Israel Kats habarlady.
Iran tarapy bul aqparatty rastady. Revoliýtsiia saqshylar korpýsynyń Tasnim agenttigi arqyly taratqan málimdemesinde Hademidiń 6 sáýir kúni tańerteń «terrorlyq áreket saldarynan qaza tapqany» aitylǵan.
Madjid Hademi bul qyzmetke 2025 jyldyń maýsym aiynda kelgen. Oǵan deiin barlaý bólimin basqarǵan Mohammad Kazemi Izrail shabýyly kezinde qaza bolǵan edi.
28 aqpannan beri AQSh pen Izraildiń Iranǵa qarsy áreketteri aiasynda eldiń birneshe joǵary laýazymdy tulǵalary men áskeri jetekshileri qaza tapty. Olardyń qatarynda Irannyń rýhani kóshbasshysy Áli Hamenei men Joǵary qaýipsizdik keńesiniń hatshysy Áli Laridjani bar.
