يزرايل يران يسلام رەۆوليۋتسيياسى ساقشىلار كورپۋسىنىڭ بارلاۋ قىزمەتٸن باسقارعان مادجيد حادەميدٸڭ كٶزٸن جويعانىن مەلٸمدەدٸ, دەپ حابارلايدى Dalanews.kz.
بۇل تۋرالى يزرايلدٸڭ قورعانىس مينيسترٸ يسراەل كاتس حابارلادى.
يران تاراپى بۇل اقپاراتتى راستادى. رەۆوليۋتسييا ساقشىلار كورپۋسىنىڭ Tasnim اگەنتتٸگٸ ارقىلى تاراتقان مەلٸمدەمەسٸندە حادەميدٸڭ 6 سەۋٸر كٷنٸ تاڭەرتەڭ «تەررورلىق ەرەكەت سالدارىنان قازا تاپقانى» ايتىلعان.
مادجيد حادەمي بۇل قىزمەتكە 2025 جىلدىڭ ماۋسىم ايىندا كەلگەن. وعان دەيٸن بارلاۋ بٶلٸمٸن باسقارعان موحامماد كازەمي يزرايل شابۋىلى كەزٸندە قازا بولعان ەدٸ.
28 اقپاننان بەرٸ اقش پەن يزرايلدٸڭ يرانعا قارسى ەرەكەتتەرٸ اياسىندا ەلدٸڭ بٸرنەشە جوعارى لاۋازىمدى تۇلعالارى مەن ەسكەري جەتەكشٸلەرٸ قازا تاپتى. ولاردىڭ قاتارىندا يراننىڭ رۋحاني كٶشباسشىسى ەلي حامەنەي مەن جوعارى قاۋٸپسٸزدٸك كەڭەسٸنٸڭ حاتشىسى ەلي لاريدجاني بار.
