Ótken demalys kúnderi Almatyda birneshe adamnyń ustalýymen aıaqtalǵan zańsyz mıtıń ótti. Ákimshilik shara qoldanylǵandardyń arasynda tirkelmegen Qazaqstannyń demokratıalyq partıasy belsendileriniń biri Arýjan Dúısebaeva bolady. Sol kúni Inga Imanbaeva óziniń Facebook-tegi paraqshasyndaǵy jazbasynda osy jaǵdaıdy maǵan senim bildirýshi Baýyrjan Baıbekpen baılanystyrýǵa tyrysty.
Kórip otyrǵanymyzdaı, I.Imanbaeva men J.Mamaı qoǵamdyq pikirdi manıpýlásıalaýǵa jáne ózderiniń zańsyz áreketteri úshin jaýapkershilikti basqalarǵa artýǵa tyrysyp, taǵy da ózderiniń quqyqtyq turǵydan tolyqtaı saýatsyzdyǵyn kórsetip otyr.
J.Mamaı men I.Imanbaeva úshin A.Dúısebaevanyń ruqsat etilmegen mıtıńke qatysý faktisi boıynsha ákimshilik is qozǵaý – bul tolyqtaı quqyq qorǵaý organdarynyń quzyreti ekenin arnaıy túsindirip ótkim keledi. B.Baıbek eshqandaı aryz bergen joq, óıtkeni ol buǵan deıin sotta óziniń abyroıyn qalpyna keltirý quqyǵyn tolyǵymen iske asyrdy.
Taǵy da eske sala keteıin, Mamaı men Imanbaevanyń kópe-kórneý ótirigi men jala jabýyna qaramastan, B. Baıbek ákimshilik te, qylmystyq ta jaýapkershilikke bastamashy bolmaı, tek azamattyq-quqyqtyq tártipte sotqa júgindi.
Osyǵan baılanysty men A. Dúısebaevanyń isi boıynsha barlyq mán-jaıdy anyqtaý úshin Almaty qalasynyń polısıa departamentine tıisti suraý joldadym (qosa berilip otyr).
Al I.Imanbaevanyń málimdemesine keletin bolsaq, ol prosesti saıasılandyrý maqsatynda ádeıi jasalǵan dep esepteımin. Bul bizge qysym kórsetý jáne jaýapkershilikten jaltarý maqsatyndaǵy taǵy bir ótirik pen jala jabý ekenin jaýapkershilikpen aıta alamyn.
Ózderińiz biletindeı, jaýapkerler zańdy kúshine engen sot sheshimin oryndaı bastady. Sot oryndaýshysy B.Baıbektiń ótinishi boıynsha Mamaı men Imanbaevanyń shotynan aýtızmi bar balalarǵa kómek kórsetý úshin «Bolashaq» korporatıvtik qorynyń qaıyrymdylyq shotyna 876 402 teńge aýdardy.
Sonymen qatar, B.Baıbekke jala japqan vıdeosyn teriske shyǵarý jáne joıý bóligindegi sot aktisi áli oryndalǵan joq. Sondyqtan sot oryndaýshysy zańda kózdelgen májbúrleý sıpatyndaǵy tıisti sharalardy qoldanady.
Máselen, merzimi ótken árbir kún úshin Mamaı men Imanbaevadan memleket kirisine 2 AEK (5 834 teńge) kóleminde ósimpul óndirip alynatyn bolady. Ári qaraı sot aktisin oryndamaǵany úshin olar ákimshilik (aıyppul nemese qamaýǵa alý), sodan keıin qylmystyq jaýapkershilikke tartylady.
Bul jerde másele óte qarapaıym: materıaldy óshirý jáne óziniń YouTube arnasynda teriske shyǵarý, bolmasa zań boıynsha jaýap berý. Tańdaý ózderinde. Zań barlyǵyna ortaq jáne biz onyń múltiksiz oryndalýyna qol jetkizetin bolamyz!
Taǵy bir kóńil bólerlik faktini atap ótkim keledi. I.Imanbaeva jazbasyn jarıalaǵan jáne J. Mamaı zańsyz mıtıń ótkizgen kúni «Nýrsýltanskıı soloveı» (burynǵy – «Uzyn Qulaq») telegram-arnasynda B.Baıbekke qatysty «tóbeden» alynǵan kezekti jala jabý jazbalary ornalastyryldy.
Ózderińiz biletindeı, J.Mamaı men I.Imanbaeva «zertteýler» dep atalatyn málimdemelerine derekterdi sotqa eki kún qalǵanda ataýyn ózgertken osynaý anonımdi telegram-arnadan alǵan bolatyn. Ol aqparattyń múldem dálelsiz jalǵan ekeni 2 sot ınstansıasyndaǵy otyrys barysynda dáleldendi.
Konstıtýsıaǵa qarsy is-qımyl júrgizetin jáne ishki alaýyzdyqty qozdyratyn bul arna kezekti ret las jalǵan aqparattaryn taratty, bular shamasy jalǵan jýrnalıs Mamaıdyń aldaǵy ýaqyttaǵy taǵy bir «jańalyq ashýyna» negiz bolýy yqtımal.
Sonymen, Qaýymdastyq pen «Bolashaq» korporatıvtik qoryn paıdakúnemdik maqsatta paıdalaný týraly qısynsyz jáne oıdan shyǵarylǵan aıyptar keltirilýde. Bul ekeýi de úkimettik emes uıym jáne komersıalyq maqsattardy kózdemeıdi. Olardyń qyzmet salasy tek áleýmettik jobalarǵa qatysty.
Mysaly, «Bolashaq» qory 10 jyldan beri jeke demeýshilik jáne qaıyrymdylyq qarajat esebinen ǵana áleýmettik mańyzdy jumystardy atqaryp keledi, kóp jaǵdaıda memlekettiń mindetterin oryndap otyr. Máselen, «Ózińnen basta – Qazaqsha sóıle» jobasy aıasynda «Disney» kompanıasynyń standarttary boıynsha otbasylyq kórsetilim úshin 38 úzdik álemdik fılm qazaq tiline aýdaryldy. «Árbir bala mektepke laıyq» jobasy boıynsha óńirlerde 59 mamandandyrylǵan ońaltý mekemesi, onyń ishinde 2 myńǵa jýyq aýtızmi bar balalardy qamtıtyn 43 ınklúzıany qoldaý kabıneti ashylyp, jaraqtandyryldy. Bul qoǵam ıgiligi úshin atqarylǵan paıdaly isterdiń az bóligi ǵana.
I.Imanbaeva men «Nýrsýltanskıı soloveı» materıaldarynyń úılese shyǵýy, olardyń stılısıkasy men mazmunynyń sáıkestigi, sondaı-aq ótirik pen aıla-sharǵyǵa tolyq negizdelgen jumys ádisteri olardyń túpki benefısıarlary bir tulǵa ekeninen habar beredi.
Jeli qoldanýshylarynyń ótken sot prosesiniń qorytyndysy boıynsha Mamaı men Imanbaevanyń shyn máninde kim ekenin, sondaı-aq «Nýrsýltanskıı soloveı» telegramm-arnasy memleketke qarsy qandaı jumys júrgizetinin bile otyryp, ótirikti shyndyqtan ajyrata alatynyna senimdimin.
Sondyqtan, men zańger retinde J.Mamaı men I. Imanbaevaǵa qatysty sottyń zańdy sheshiminiń oryndalýyna qol jetkizip, zań ústemdigi qaǵıdatynyń iske asyrylýyn qamtamasyz etetin bolamyn.
