Almaty qalasynyń burynǵy ákimi ári "Nur Otan" partiiasy tóraǵasynyń eks-birinshi orynbasary Baýyrjan Baibek Qazaq Kaolin kompaniiasynyń direktorlar keńesiniń tóraǵasy qyzmetine taǵaiyndaldy. Bul týraly málimet kompaniianyń resmi saitynda jariialandy, dep habarlaidy dalanews.kz.
Eske salsaq, Baýyrjan Baibek 2022 jyldyń aqpan aiynan keiin saiasi qyzmetten ketken bolatyn. Sol kezeńde ol "Nur Otan" partiiasyndaǵy laýazymynan bosap, bilimin jetildirý maqsatynda Birikken Arab Ámirlikterine ketkeni habarlanǵan.
Keiin áleýmettik jeliler men BAQ-ta onyń Japoniiada júrgen sýretteri taraǵan edi.
Belgili bolǵandai, Baibek 2022 jyldyń naýryz aiynan beri Qazaq Kaolin kompaniiasynda keńesshi qyzmetin atqarǵan. Al 2026 jyldyń sáýir aiynyń sońynda kompaniia Aqmola oblysynda taý-ken baiytý kombinatyn iske qosqannan keiin kóp uzamai onyń direktorlar keńesiniń tóraǵasy bolyp taǵaiyndalǵany málim boldy.
Ashyq derekkózderdegi málimetke sáikes, Qazaq Kaolin kompaniiasynyń ieleri qatarynda 26 jastaǵy Bekzat Kerimbai men Baýyrjan Baibektiń ákesi Qadyrǵali Baibek bar.
Buǵan deiin BAQ-ta Qadyrǵali Baibektiń Qazaqstannyń Tuńǵysh Prezidenti Nursultan Nazarbaevpen synyptas bolǵany týraly aqparat taraǵan.
