الماتى قالاسىنىڭ بۇرىنعى ەكٸمٸ ەرٸ "Nur Otan" پارتيياسى تٶراعاسىنىڭ ەكس-بٸرٸنشٸ ورىنباسارى باۋىرجان بايبەك Qazaq Kaolin كومپانيياسىنىڭ ديرەكتورلار كەڭەسٸنٸڭ تٶراعاسى قىزمەتٸنە تاعايىندالدى. بۇل تۋرالى مەلٸمەت كومپانييانىڭ رەسمي سايتىندا جارييالاندى, دەپ حابارلايدى dalanews.kz.
ەسكە سالساق, باۋىرجان بايبەك 2022 جىلدىڭ اقپان ايىنان كەيٸن ساياسي قىزمەتتەن كەتكەن بولاتىن. سول كەزەڭدە ول "Nur Otan" پارتيياسىنداعى لاۋازىمىنان بوساپ, بٸلٸمٸن جەتٸلدٸرۋ ماقساتىندا بٸرٸككەن اراب ەمٸرلٸكتەرٸنە كەتكەنٸ حابارلانعان.
كەيٸن ەلەۋمەتتٸك جەلٸلەر مەن باق-تا ونىڭ جاپونييادا جٷرگەن سۋرەتتەرٸ تاراعان ەدٸ.
بەلگٸلٸ بولعانداي, بايبەك 2022 جىلدىڭ ناۋرىز ايىنان بەرٸ Qazaq Kaolin كومپانيياسىندا كەڭەسشٸ قىزمەتٸن اتقارعان. ال 2026 جىلدىڭ سەۋٸر ايىنىڭ سوڭىندا كومپانييا اقمولا وبلىسىندا تاۋ-كەن بايىتۋ كومبيناتىن ٸسكە قوسقاننان كەيٸن كٶپ ۇزاماي ونىڭ ديرەكتورلار كەڭەسٸنٸڭ تٶراعاسى بولىپ تاعايىندالعانى مەلٸم بولدى.
اشىق دەرەككٶزدەردەگٸ مەلٸمەتكە سەيكەس, Qazaq Kaolin كومپانيياسىنىڭ يەلەرٸ قاتارىندا 26 جاستاعى بەكزات كەرٸمباي مەن باۋىرجان بايبەكتٸڭ ەكەسٸ قادىرعالي بايبەك بار.
بۇعان دەيٸن باق-تا قادىرعالي بايبەكتٸڭ قازاقستاننىڭ تۇڭعىش پرەزيدەنتٸ نۇرسۇلتان نازارباەۆپەن سىنىپتاس بولعانى تۋرالى اقپارات تاراعان.
