Iliias Jansúgirov atyndaǵy Jetisý ýniversitetinde halyqaralyq bilim berý keńistigine baǵyttalǵan mańyzdy bastama júzege asyp jatyr. 2024–2025 jańa oqý jylynda ýniversitet bazasynda Italiianyń Marke politehnikalyq ýniversiteti (Università Politecnica delle Marche) filialy óz jumysyn resmi túrde júrgizýde, dep habarlaidy Dalanews.kz.
Bul — Qazaqstan men Italiia arasyndaǵy ǵylymi-bilim berý bailanysyn nyǵaitýǵa baǵyttalǵan halyqaralyq yntymaqtastyqtyń naqty nátijesi. Filialdyń ashylýy aimaqtyq joǵary bilim berý júiesine jańa serpin berip, Jetisý jastaryna álemdik deńgeide bilim alýǵa múmkindik týǵyzdy.
Búginde oqý protsesine tikelei italiialyq professorlar qatysyp, dáris sabaqtaryn ótkizip jatyr. Olardyń qatarynda: Doktor Janlýka Brýnetti (Gianluca Brunetti) – aýyl sharýashylyǵy himiiasy jáne biohimiiasy boiynsha assotsiirlengen professor, doktor Simone Pianchatelli (Simone Piancatelli) – ósimdik patologiiasy salasynyń bilikti mamany.
Sheteldik professorlar stýdentterge tek teoriialyq bilim berip qana qoimai, Italiia men Eýropanyń jetekshi zerthanalarynda qoldanylatyn tájiribelermen, innovatsiialyq ádistemelermen bólisýde. Sabaqtar interaktivti formatta ótip, zamanaýi zerthanalyq quraldar men mýltimediialyq tehnologiialar keńinen qoldanylýda.
Jetisý ýniversiteti basshylyǵynyń aitýynsha, bul joba ýniversitettiń halyqaralyq bedelin arttyryp qana qoimai, óńirdiń bilim berý ekojúiesine jańa serpin bermek. Eki eldiń ǵylymi qaýymdastyǵy arasyndaǵy bul seriktestik bolashaqta birlesken zertteýler men akademiialyq almasýlarǵa jol ashady.
«Marke politehnikalyq ýniversitetiniń filialy – bizdiń stýdentterimiz úshin álemdik bilim keńistigine jol. Bul bastama sapaly bilim men halyqaralyq tájiribeni ushtastyrýdyń naqty úlgisi. Bizdiń maqsatymyz – túlekterimizdiń jahandyq eńbek naryǵynda básekege qabiletti maman bolyp shyǵýy», – deidi I.Jansúgirov atyndaǵy Jetisý ýniversitetiniń basqarma Tóraǵasy-rektor Ermek Bóribaev.
Marke politehnikalyq ýniversitetiniń filialy — Jetisý ýniversitetiniń halyqaralyq deńgeige shyǵýyndaǵy mańyzdy qadam jáne eýropalyq bilim berý standarttaryn engizý baǵytyndaǵy jańa beles bolyp otyr.
