Ispaniiada eki asqan jyldamdyqty poiyzdyń relsten shyǵýy saldarynan 21 adam qaza boldy. Taǵy shamamen 100 adam jaraqat alǵan, olardyń 30-ynyń jaǵdaiy aýyr. Bul týraly Ispaniianyń ishki ister ministrligi dúisenbige qaraǵan túni, 19 qańtarda habarlady, dep jazady Dalanews.kz.
Qaiǵyly oqiǵa 18 qańtar keshke Ispaniianyń Kordova provintsiiasynda bolǵan. Malagadan Madridke baǵyt alǵan Iryo kompaniiasynyń poiyzy relsten shyǵyp, kórshi jolǵa ótip ketken. Sol jerde ol Ýelva qalasyna bet alǵan qarsy baǵyttaǵy poiyzben soqtyǵysqan.
Oqiǵanyń sebebi ázirge belgisiz. Ispaniialyq BAQ dereginshe, eki poiyzda jalpy sany 400 adam bolǵan.
Ispaniia premer-ministri Pedro Sanches jaǵdaidy jiti baqylaýda ustap otyrǵanyn málimdedi. Qaiǵyly jaǵdaiǵa bailanysty eldiń koroldik otbasy da kóńil aitty.
Oqiǵa ornynda qutqarý jumystary jalǵasyp jatyr. Mamandar poiyz ishindegi tiri qalǵan jolaýshylardy izdeýde. Jergilikti telearnaǵa bergen túsiniktemede olar soqtyǵys kezinde negizgi soqqy tigen vagondarda qansha adamnyń aman qalǵanyn ázirge naqty aitý múmkin emes ekenin jetkizdi.
Aimaqtyq azamattyq qorǵaý qyzmetiniń basshysy Mariia Belen Moia Rohas Canal Sur telearnasyna apat qoljetimi qiyn aýmaqta bolǵanyn aitty. Onyń sózinshe, jergilikti turǵyndar zardap shekkenderge kómektesý úshin oqiǵa ornyna kórpe men aýyzsý alyp kelgen.
