يسپانييادا ەكٸ اسقان جىلدامدىقتى پويىزدىڭ رەلستەن شىعۋى سالدارىنان 21 ادام قازا بولدى. تاعى شامامەن 100 ادام جاراقات العان, ولاردىڭ 30-ىنىڭ جاعدايى اۋىر. بۇل تۋرالى يسپانييانىڭ ٸشكٸ ٸستەر مينيسترلٸگٸ دٷيسەنبٸگە قاراعان تٷنٸ, 19 قاڭتاردا حابارلادى, دەپ جازادى Dalanews.kz.
قايعىلى وقيعا 18 قاڭتار كەشكە يسپانييانىڭ كوردوۆا پروۆينتسيياسىندا بولعان. مالاگادان مادريدكە باعىت العان Iryo كومپانيياسىنىڭ پويىزى رەلستەن شىعىپ, كٶرشٸ جولعا ٶتٸپ كەتكەن. سول جەردە ول ۋەلۆا قالاسىنا بەت العان قارسى باعىتتاعى پويىزبەن سوقتىعىسقان.
وقيعانىڭ سەبەبٸ ەزٸرگە بەلگٸسٸز. يسپانييالىق باق دەرەگٸنشە, ەكٸ پويىزدا جالپى سانى 400 ادام بولعان.
يسپانييا پرەمەر-مينيسترٸ پەدرو سانچەس جاعدايدى جٸتٸ باقىلاۋدا ۇستاپ وتىرعانىن مەلٸمدەدٸ. قايعىلى جاعدايعا بايلانىستى ەلدٸڭ كورولدٸك وتباسى دا كٶڭٸل ايتتى.
وقيعا ورنىندا قۇتقارۋ جۇمىستارى جالعاسىپ جاتىر. ماماندار پويىز ٸشٸندەگٸ تٸرٸ قالعان جولاۋشىلاردى ٸزدەۋدە. جەرگٸلٸكتٸ تەلەارناعا بەرگەن تٷسٸنٸكتەمەدە ولار سوقتىعىس كەزٸندە نەگٸزگٸ سوققى تيگەن ۆاگونداردا قانشا ادامنىڭ امان قالعانىن ەزٸرگە ناقتى ايتۋ مٷمكٸن ەمەس ەكەنٸن جەتكٸزدٸ.
ايماقتىق ازاماتتىق قورعاۋ قىزمەتٸنٸڭ باسشىسى مارييا بەلەن مويا روحاس Canal Sur تەلەارناسىنا اپات قولجەتٸمٸ قيىن اۋماقتا بولعانىن ايتتى. ونىڭ سٶزٸنشە, جەرگٸلٸكتٸ تۇرعىندار زارداپ شەككەندەرگە كٶمەكتەسۋ ٷشٸن وقيعا ورنىنا كٶرپە مەن اۋىزسۋ الىپ كەلگەن.
