Iranda jemorlyq pen ekonomikalyq qylmystar úshin aiyptalǵan milliarder Babak Zandjani ólim jazasyna kesildi.
Jeksenbi kúni Iran ádilet organdary eldegi eń bai adamdardyń biri men onyń isine qatysty eki adamnyń ústinen shyqqan úkimdi jariia etti. Zandjani sonymen birge memleketke keltirgen zalalyn óteýi tiis. Sottalǵandar úkimge shaǵymdana alady.
15 milliard dollary bar Babak Zandjani álemdegi eń bai irandyqtyń biri bop tabylady. Byltyr 30 jeltoqsanda alaiaqtyq jasady degen kúdikpen ataqty tegerandyq «Evin» túrmesine jabyldy. Bir aiyptaý boiynsha Irannyń ulttyq kompaniiasyna 2 milliard 460 million eýro tóledi delingen Tájikstannyń Ulttyq bankiniń hatyn qoldan jasaǵany týraly aitylady. Alaida Irannyń Ortalyq banki men munai ministrligi bul somany almaǵandaryn aitady.Tájikstannyń Ulttyq banki de mundai qujattyń jalǵandyǵyn málimdedi.
Babak Zandjanidy Tájikstandaǵy birqatar iri korporatsiianyń negizin qalaýshy ári iesi retinde ataidy. 2013 jyldyń naýryzynda «Asian Express» jańa avtbýs terminalyn ashqanda Zandjanidyń jaynda Tájikstan prezidenti Emomali Rahmon turǵan edi.
2012 jyly AQSh pen Eýropa Odaǵy Babak Zandjanidy sanktsiiany zańsyz ainalyp jumys isteitinderdiń qara tizimine qosqan edi.
