جەكسەنبى كۇنى يران ادىلەت ورگاندارى ەلدەگى ەڭ باي ادامداردىڭ ءبىرى مەن ونىڭ ىسىنە قاتىستى ەكى ادامنىڭ ۇستىنەن شىققان ۇكىمدى جاريا ەتتى. زاندجاني سونىمەن بىرگە مەملەكەتكە كەلتىرگەن زالالىن وتەۋى ءتيىس. سوتتالعاندار ۇكىمگە شاعىمدانا الادى.

15 ميلليارد دوللارى بار باباك زاندجاني الەمدەگى ەڭ باي يراندىقتىڭ ءبىرى بوپ تابىلادى. بىلتىر 30 جەلتوقساندا الاياقتىق جاسادى دەگەن كۇدىكپەن اتاقتى تەگەراندىق «ەۆين» تۇرمەسىنە جابىلدى. ءبىر ايىپتاۋ بويىنشا يراننىڭ ۇلتتىق كومپانياسىنا 2 ميلليارد 460 ميلليون ەۋرو تولەدى دەلىنگەن تاجىكستاننىڭ ۇلتتىق بانكىنىڭ حاتىن قولدان جاساعانى تۋرالى ايتىلادى. الايدا يراننىڭ ورتالىق بانكى مەن مۇناي مينيسترلىگى بۇل سومانى الماعاندارىن ايتادى.تاجىكستاننىڭ ۇلتتىق بانكى دە مۇنداي قۇجاتتىڭ جالعاندىعىن مالىمدەدى.

باباك زاندجانيدى تاجىكستانداعى ءبىرقاتار ءىرى كورپوراسيانىڭ نەگىزىن قالاۋشى ءارى يەسى رەتىندە اتايدى. 2013 جىلدىڭ ناۋرىزىندا «Asian Express» جاڭا اۆتبۋس تەرمينالىن اشقاندا زاندجانيدىڭ جاىندا تاجىكستان پرەزيدەنتى ەمومالي راحمون تۇرعان ەدى.

2012 جىلى اقش پەن ەۋروپا وداعى باباك زاندجانيدى سانكسيانى زاڭسىز اينالىپ جۇمىس ىستەيتىندەردىڭ قارا تىزىمىنە قوسقان ەدى.