Irannyń áýeden jasaǵan soqqylary saldarynan Birikken Arab Ámirlikterinde keminde úsh adam qaza taýyp, taǵy 58 adam jaraqat aldy. Bul týraly BAÁ-niń Qorǵanys ministrligi málimdedi, dep habarlaidy Dalanews.kz.
Vedomstvo málimetinshe, qaza tapqandar - Pákistan, Nepal jáne Bangladesh azamattary. Al jaralanǵan 58 adamnyń qatarynda jergilikti turǵyndarmen birge sheteldikter de bar.
Resmi derek boiynsha, shabýyl bastalǵaly BAÁ baǵytyna qarai 165 ballistikalyq zymyran ushyrylǵan. Sonyń 152-si áýe qorǵanysy kúshterimen joiylyp, 13-i teńizge qulaǵan.
Sondai-aq baqylaýǵa alynǵan 541 ushqyshsyz ushý apparatynyń (dronnyń) 506-sy qaǵyp túsirilgen. Qalǵan 35 dron el aýmaǵyna qulap, materialdyq shyǵyn keltirgen.
Ministrlik BAÁ qarýly kúshteri kez kelgen qaýip-qaterge toitarys berýge tolyq daiyn ekenin málimdep, azamattar, rezidentter men týristerdiń qaýipsizdigi — basty basymdyq ekenin atap ótti.
Eske sala keteiik, senbi kúni AQSh pen Izrail Iranǵa jappai soqqy jasaǵan edi. Buǵan jaýap retinde Iran Taiaý Shyǵys óńirindegi izraildik jáne amerikalyq nysandarǵa shabýyl jasady.
