يراننىڭ اۋەدەن جاساعان سوققىلارى سالدارىنان بىرىككەن اراب امىرلىكتەرىندە كەمىندە ءۇش ادام قازا تاۋىپ، تاعى 58 ادام جاراقات الدى. بۇل تۋرالى ءباا-نىڭ قورعانىس مينيسترلىگى مالىمدەدى، دەپ حابارلايدى Dalanews.kz.

ۆەدومستۆو مالىمەتىنشە، قازا تاپقاندار - پاكىستان، نەپال جانە بانگلادەش ازاماتتارى. ال جارالانعان 58 ادامنىڭ قاتارىندا جەرگىلىكتى تۇرعىندارمەن بىرگە شەتەلدىكتەر دە بار.

رەسمي دەرەك بويىنشا، شابۋىل باستالعالى ءباا باعىتىنا قاراي 165 بالليستيكالىق زىمىران ۇشىرىلعان. سونىڭ 152ء-سى اۋە قورعانىسى كۇشتەرىمەن جويىلىپ، 13ء-ى تەڭىزگە قۇلاعان.

سونداي-اق باقىلاۋعا الىنعان 541 ۇشقىشسىز ۇشۋ اپپاراتىنىڭ (دروننىڭ) 506-سى قاعىپ تۇسىرىلگەن. قالعان 35 درون ەل اۋماعىنا قۇلاپ، ماتەريالدىق شىعىن كەلتىرگەن.

مينيسترلىك ءباا قارۋلى كۇشتەرى كەز كەلگەن قاۋىپ-قاتەرگە تويتارىس بەرۋگە تولىق دايىن ەكەنىن مالىمدەپ، ازاماتتار، رەزيدەنتتەر مەن تۋريستەردىڭ قاۋىپسىزدىگى — باستى باسىمدىق ەكەنىن اتاپ ءوتتى.

ەسكە سالا كەتەيىك، سەنبى كۇنى اقش پەن يزرايل يرانعا جاپپاي سوققى جاساعان ەدى. بۇعان جاۋاپ رەتىندە يران تاياۋ شىعىس وڭىرىندەگى يزرايلدىك جانە امەريكالىق نىساندارعا شابۋىل جاسادى.