Irannyń syrtqy vedmostvasynyń ókili Ýkraınadaǵy soǵys bastalǵaly Reseıge eshqandaı áskerı tehnıka satpaǵandaryn ashyp aıtty. Ol soǵys bastalmaı turyp Iran men Reseıdiń arasyndaǵy baılanysty jaqsartý isi qolǵa alynǵanyn aıta kele, biraq Reseıge eshqandaı áskerı qarý jetkizbengenderin málimdedi.
– Ras, Iran men Reseı ózara baılanysty órkendetýge múddeli. Biraq sońǵy ýaqyttary bul baǵytta aýyz toltyryp aıtatyndaı naqty oqıǵa oryn alǵan joq, – dedi Nasser Kanaanı jýranlaısterge bergen túsiniktemesinde.
Sonymen qatar ol Ýkrıana jerinde oryn alǵan soǵysqa qatysty Iran bıligi óziniń pozısıasyn buǵan deıin ashyq aıtaqanyn, sol ustanymdarynda qalatynyn jetkizdi.
Irannyń Syrtqy ister mnıstri Hoseın-Ámir Abdollahıan Italıanyń La Repubblica basylymna bergen suhbatynda Iran Reseı men Ýkraına arasyndaǵy qaqtyǵystyń órshýine óz taraptarynan jol bermeıtinin, sonynyń ishinde taraptarǵa áskerı tehnıka jetkizbeıtinin aıtqan edi. Budan basqa Abdollahıan Iran men Reseı arasyndaǵy qorǵanys salasy boıynsha yntymaqtastyqty damytýǵa qatysty kelsimniń bar ekenin aıta kele, biraq bul kelsim Reseıge áskerı kómek berýge Irandy mindettemeıtinin alǵa tartty.
Kúni keshe ǵana AQSH prezıdentiniń qaýipsizdik boıynsha keńesshisi Djeık Sallıvan Iran Reseıge áskerı drondaryn berýi múmkin ekenin alǵa tartqan bolatyn. Osy aqparat jeldeı eskennen keıin Irannyń syrtqy vedmostvasy buǵan jaýap berdi.
