يراننىڭ سىرتقى ۆەدموستۆاسىنىڭ ٶكٸلٸ ۋكرايناداعى سوعىس باستالعالى رەسەيگە ەشقانداي ەسكەري تەحنيكا ساتپاعاندارىن اشىپ ايتتى. ول سوعىس باستالماي تۇرىپ يران مەن رەسەيدٸڭ اراسىنداعى بايلانىستى جاقسارتۋ ٸسٸ قولعا الىنعانىن ايتا كەلە, بٸراق رەسەيگە ەشقانداي ەسكەري قارۋ جەتكٸزبەنگەندەرٸن مەلٸمدەدٸ.
– راس, يران مەن رەسەي ٶزارا بايلانىستى ٶركەندەتۋگە مٷددەلٸ. بٸراق سوڭعى ۋاقىتتارى بۇل باعىتتا اۋىز تولتىرىپ ايتاتىنداي ناقتى وقيعا ورىن العان جوق, – دەدٸ ناسسەر كانااني جۋرانلايستەرگە بەرگەن تٷسٸنٸكتەمەسٸندە.
سونىمەن قاتار ول ۋكريانا جەرٸندە ورىن العان سوعىسقا قاتىستى يران بيلٸگٸ ٶزٸنٸڭ پوزيتسيياسىن بۇعان دەيٸن اشىق ايتاقانىن, سول ۇستانىمدارىندا قالاتىنىن جەتكٸزدٸ.
يراننىڭ سىرتقى ٸستەر منيسترٸ حوسەين-ەمٸر ابدوللاحييان يتالييانىڭ La Repubblica باسىلىمنا بەرگەن سۇحباتىندا يران رەسەي مەن ۋكراينا اراسىنداعى قاقتىعىستىڭ ٶرشۋٸنە ٶز تاراپتارىنان جول بەرمەيتٸنٸن, سونىنىڭ ٸشٸندە تاراپتارعا ەسكەري تەحنيكا جەتكٸزبەيتٸنٸن ايتقان ەدٸ. بۇدان باسقا ابدوللاحييان يران مەن رەسەي اراسىنداعى قورعانىس سالاسى بويىنشا ىنتىماقتاستىقتى دامىتۋعا قاتىستى كەلسٸمنٸڭ بار ەكەنٸن ايتا كەلە, بٸراق بۇل كەلسٸم رەسەيگە ەسكەري كٶمەك بەرۋگە يراندى مٸندەتتەمەيتٸنٸن العا تارتتى.
كٷنٸ كەشە عانا اقش پرەزيدەنتٸنٸڭ قاۋٸپسٸزدٸك بويىنشا كەڭەسشٸسٸ دجەيك سالليۆان يران رەسەيگە ەسكەري دروندارىن بەرۋٸ مٷمكٸن ەكەنٸن العا تارتقان بولاتىن. وسى اقپارات جەلدەي ەسكەننەن كەيٸن يراننىڭ سىرتقى ۆەدموستۆاسى بۇعان جاۋاپ بەردٸ.
