Pákistanda ótken AQSh pen Iran arasyndaǵy joǵary deńgeidegi kelissózder naqty nátijesiz aiaqtaldy, dep habarlaidy Dalanews.kz
AQSh vitse-prezidenti Djei Di Vens 21 saǵatqa sozylǵan aýyr pikirtalastardan keiin Islamabadtan eshqandai kelisimge qol qoimastan qaityp ketti. Onyń málimdeýinshe, Tegeran iadrolyq qarýdan bas tartý jónindegi naqty mindettemelerdi qabyldaýdan úzildi-kesildi bas tartqan. Al bul talap Donald Tramp ákimshiligi kezinde kez kelgen kelisimniń negizgi sharty retinde bekitilgen edi.
Irandyq aqparat quraldary da kelissózderdiń toqyraýǵa ushyraǵanyn rastady. Tasnim agenttigi AQSh-ty «kelisim sheńberinen shyǵatyn shamadan tys talaptar qoidy» dep aiyptasa, Press TV tarapy negizgi qaishylyqtar Ormýz buǵazyndaǵy keme qatynasynyń mártebesi men Irannyń iadrolyq baǵdarlamasyn damytý quqyǵyna bailanysty bolǵanyn habarlady.
Osylaisha, taraptar ortaq mámilege kele almady. Venstiń Vashingtonǵa nátijesiz oralýy aldaǵy diplomatiialyq úderistiń bolashaǵyn bulyńǵyr kúide qaldyrdy.
