پاكىستاندا وتكەن اقش پەن يران اراسىنداعى جوعارى دەڭگەيدەگى كەلىسسوزدەر ناقتى ناتيجەسىز اياقتالدى، دەپ حابارلايدى Dalanews.kz
اقش ۆيسە-پرەزيدەنتى دجەي دي ۆەنس 21 ساعاتقا سوزىلعان اۋىر پىكىرتالاستاردان كەيىن يسلامابادتان ەشقانداي كەلىسىمگە قول قويماستان قايتىپ كەتتى. ونىڭ مالىمدەۋىنشە، تەگەران يادرولىق قارۋدان باس تارتۋ جونىندەگى ناقتى مىندەتتەمەلەردى قابىلداۋدان ۇزىلدى-كەسىلدى باس تارتقان. ال بۇل تالاپ دونالد ترامپ اكىمشىلىگى كەزىندە كەز كەلگەن كەلىسىمنىڭ نەگىزگى شارتى رەتىندە بەكىتىلگەن ەدى.
يراندىق اقپارات قۇرالدارى دا كەلىسسوزدەردىڭ توقىراۋعا ۇشىراعانىن راستادى. Tasnim اگەنتتىگى اقش-تى «كەلىسىم شەڭبەرىنەن شىعاتىن شامادان تىس تالاپتار قويدى» دەپ ايىپتاسا، Press TV تاراپى نەگىزگى قايشىلىقتار ورمۋز بۇعازىنداعى كەمە قاتىناسىنىڭ مارتەبەسى مەن يراننىڭ يادرولىق باعدارلاماسىن دامىتۋ قۇقىعىنا بايلانىستى بولعانىن حابارلادى.
وسىلايشا، تاراپتار ورتاق مامىلەگە كەلە المادى. ۆەنستىڭ ۆاشينگتونعا ناتيجەسىز ورالۋى الداعى ديپلوماتيالىق ۇدەرىستىڭ بولاشاعىن بۇلىڭعىر كۇيدە قالدىردى.
