Iran 15 qańtar tańyna deiin óz áýe keńistigin barlyq ushaqtar úshin japty. Tek aldyn ala ruqsat alǵan halyqaralyq reisterge ǵana ushýǵa múmkindik berilip otyr. Buǵan deiin, 14 qańtarda Reuters agenttigi AQSh aldaǵy táýlikte Iranǵa soqqy jasaýy múmkin ekenin habarlaǵan bolatyn, dep habarlaidy Dalanews.kz.
Osyǵan bailanysty Air Astana birqatar turaqty jáne charterlik reisterdiń baǵyty ózgeretinin málimdedi. Kompaniianyń habarlaýynsha, buǵan Iran áýe keńistiginiń jabylýy sebep bolǵan.
«Sharm-el-Sheih, Dýbai, Doha jáne Medina baǵyttaryndaǵy reister Iran áýe keńistigin ainalyp ushady. Air Astana jaǵdaidy jiti baqylap otyr», – dep habarlady áýe tasymaldaýshy.
Sonymen qatar, kompaniia jolaýshylardan reisterdiń mártebesin aldyn ala tekserip otyrýdy suraidy, óitkeni ushý jáne qoný ýaqyttarynda ózgerister bolýy múmkin.
Buǵan deiin Iran biligi el ústindegi áýe keńistigin jabý merzimin Astana ýaqytymen tańǵy 8:30-ǵa deiin uzartqan. Bul sheshim Iranǵa ushatyn nemese Irannan ushatyn, arnaiy ruqsaty bar halyqaralyq reisterden ózge barlyq ushýlarǵa qatysty. BAQ málimetinshe, mundai shekteý el ishindegi narazylyq aktsiialary aiasynda engizilgen.
