Qazaqstanda ipoteka arqyly baspana alatyndar úshin notariýstyń qyzmet aqysy arzandady. Endi satyp alý-satý kelisimin rásimdeý quny tómendetilgen tarifpen esepteledi, dep habarlaidy Dalanews.kz.
Osylaisha notariýstar mundai mámile úshin 12 AEK emes, 4 AEK alady. 2026 jyly 1 AEK kólemi 4325 teńge bolǵandyqtan, kelisimdi rásimdeý shamamen 17 300 teńge turady. Buǵan deiin bul qyzmettiń quny 51 900 teńgege jetken edi.
Notarialdyq tarifterge qatysty ózgeristi Ádilet ministrligi engizdi. Jeńildetilgen tarif turǵyn úi ipotekalyq nesie esebinen satyp alynǵan jaǵdaida qoldanylady.
2026 jylǵy 1 qańtardan bastap notarialdyq tarifter týraly buiryq kúshine engen. Qujatta 4 AEK tek ipotekalyq qaryz shartyna qatysty kórsetilgendikten, keibir notariýstar standartty 12 AEK alýdy jalǵastyrǵan. Keiin ministrlik túsindirgen soń jeńildetilgen tarif resmi túrde bekitildi.
Notariýsta kelisimdi rásimdeý quny taraptardyń mártebesine qarai ártúrli boldy. Satyp alýshy men satýshy týys bolmasa, qyzmet quny - 12 AEK nemese 51 900 teńge. Jaqyn týystar arasynda jasalǵan mámile úshin 7 AEK, iaǵni 30 275 teńge alyndy. Al taraptardyń biri zańdy tulǵa bolsa, tarif - 17 AEK nemese 73 525 teńge.
