Qyzylorda oblysynda janýarǵa qatygezdik tanytqan er adam jaýapqa tartyldy, dep habarlaidy dalanews.kz.
21 qyrkúiek kúni Tiktok áleýmettik jelisinde er adamnyń mysyqty qinap, qatygezdik tanytqany týraly beinejazba tarady. Politsiia qyzmetkerleri jedel túrde beinejazba boiynsha tekserý jumystaryn júrgizdi. Qabyldanǵan sharalar nátijesinde janýarǵa qatygezdik tanytqan adamdy anyqtap, politsiia bólimine jetkizdi. Ol 43 jastaǵy Jambyl oblysynyń turǵyny Serik Ketenov bolyp shyqty. Oǵan aiyppul túrinde ákimshilik jaza taǵaiyndaldy.
Budan bólek, oǵan mundai áreketterge jol bermeý týraly resmi eskertý jasaldy. Janýarǵa qatygezdik tanytý qylmystyq jaýapkershilikke ákelýi múmkin ekendigi túsindirildi. Úi janýary zardap shekken joq.
Politsiia janýarlarǵa qatygezdik kórsetýge jol berilmeitinin eskertedi. Janýarǵa kúsh qoldaný, ony qinaý nemese ziian keltirý zańnamada belgilengen jaýapkershilikke ákep soǵady.
