Qarjy naryǵyn retteý jáne damytý agenttigi tóraǵasynyń orynbasary Nurjan Tursynhanov saqtandyrý sektory qalai damyp jatqanyn aitty, dep habarlaidy dalanews.kz.
Bul týraly ol Kazakhstan Insurance Forum 2026 saqtandyrý forýmynda málimdedi.
"Keiingi 3 jylda saqtandyrý uiymdarynyń aktivi eki esege jýyq ósip, 1 shildedegi jaǵdai boiynsha 4,1 trln teńgege jetti", - dedi agenttik ókili.
Saqtandyrý syiaqylarynyń kólemi 1,8 trln teńge bolǵan, al saqtandyrý tólemi 1,8 esege artyp, 413,6 mlrd teńgege jetken. Ósim boiynsha kósh bastaǵan baǵyttar - zeinetaqy annýitetin saqtandyrý jáne jumyskerlerdi jazataiym oqiǵalardan mindetti saqtandyrý.
Salany odan ári damytýdyń negizgi baǵyttary saqtandyrý naryǵyn damytýdyń 2030 jylǵa deiingi baǵdarlamasynda aiqyndalǵan. Baǵdarlama halyq pen biznesti saqtandyrýdy keńeitýge, saqtandyrý naryǵynyń ornyqtylyǵy men básekege qabilettiligin arttyrýǵa baǵyttalǵan 6 strategiialyq baǵyt, 18 strategiialyq bastamadan turady.
