Parijdegi Olimpiada oiyndarynda chempion atanǵan aljirlik boksshy Iman Heliftiń genderlik testinen erlerge tán genetikalyq belgileri bary anyqtaldy, dep habarlaidy Dalanews.kz.
Frantsýz jýrnalisiniń zertteýi
Frantsýz jýrnalisi Djaffar Ait-Aýdianyń aitýynsha, meditsinalyq tekseris qorytyndysyna sáikes, MRT nátijelerinen Heliftiń anatomiialyq qurylymynda atalyq bezi men mikropenis bary baiqalǵan. Sonymen qatar, onyń jatyrynyń bolmaýy da esepke alynǵan.
Hindustan Times málimeti
Hindustan Times-tyń habarlaýynsha, Iman Heliftiń genderlik jáne biologiialyq erekshelikteri onyń sporttyq mansabyna áser etken. 2023 jyly Halyqaralyq boks qaýymdastyǵy (IBA) Niý-Delide ótken álem chempionatyna Helifke qatysýǵa tyiym salǵan bolatyn. Soǵan qaramastan, ol Parij Olimpiadasynda baq synap, chempion atandy.
Synǵa túsken jeńis
Olimpiadada Heliftiń soqqysynan keiin italiialyq boksshy Andjela Karini aiqastan bas tartqan. Bul jait jurtshylyq arasynda qyzý talqyǵa tústi. Heliftiń jeńisi men onyń densaýlyq jaǵdaiy sport áleminde genderlik sáikestik pen ádildik máselelerin qaita kóterip otyr.
