Wedbush Securities komapniiasynyń sarapshysy Den Aivstiń aitýynsha, álemdik naryqta bitkoinniń baǵasy quldyraǵan soń, Tesla kompaniiasynyń aktsiiasyn satyp alǵan investorlar óz úlesterin shetinen sata bastaǵan. Óitkeni buǵan deiin Ilon Mask kriptovaliýtaǵa qomaqty qarjy quiǵan bolatyn. Mamandardyń esepteýinshe Tesla kompaniiasynyń aktsiiasy 20%-ǵa kemigen.
Esterińizge salamyz osydan shamaly ýaqyt buryn Ilon Mask kriptovaliýtaǵa jarty milliard dollar quiǵannan keiin bitkoinniń quny 50%-ǵa deiin joǵarlady. Al ótken jeksenbide bir bitkoinniń quny 57 myń dollarǵa deiin kóterilgennen keiin, soǵyn ala 20%-ǵa deiin qunyn joǵaltqan bolatyn.
Osylaisha beisenbi kúni bir bitkoinniń quny 48 myń dollarǵa tómendegen soń, investorlar satyp alǵan Tesla kompaniiasynyń aktsiiasyn sata bastaǵan. Al munyń salqyny áigili kompaniianyń aktsiiasyn 20%-ǵa tómendeýine jáne Ilon Masknyń bir kúnde 15 mlrd dollar joǵaltýyna ákep soqty.
Kriptovaliýtanyń qunynyń túsýine AQSh-tyń Qarjy ministri Djanet Iellenniń «Tranzaktsiialardy júrgizýde kriptovaliýta tiimsiz» dep aitqan sózi de otqa mai quia túskeni belgili boldy.
