Kásipker Ilon Mask bailyǵy 800 mlrd dollardan asqan álemdegi alǵashqy adam atandy, dep habarlaidy Dalanews.kz.
Mask kapitalynyń kúrt ósýi onyń ǵaryshtyq SpaceX kompaniiasynyń ózine tiesili, jasandy intellekt pen áleýmettik jeliler salasynda jumys isteitin xAI kompaniiasyn satyp alýymen bailanysty.
Forbes baǵalaýynsha, nátijesinde quny 1,25 trln dollar bolatyn birikken kompaniia qurylǵan. Bul mámile Ilon Masktiń jeke bailyǵyn birden 84 mlrd dollarǵa arttyryp, ony 852 mlrd dollar deńgeiine jetkizgen.
Basylym bul kórsetkishtiń álemdik milliarderler tarihyndaǵy rekordtyq deńgei ekenin atap ótedi.
Eske salaiyq, Ilon Maskqa tiesili SpaceX kompaniiasy jasandy intellekt baǵytynda jumys isteitin xAI firmasyn satyp alǵany habarlanǵan edi. Aita keteiik, eki kompaniianyń da negizin qalaǵan Ilon Masktyń ózi.
Kompaniianyń málimdeýinshe, bul birigý ǵarysh pen zamanaýi tehnologiialardy bir júiege toptastyrýǵa múmkindik beredi. Iaǵni zymyrandar, spýtniktik bailanys, jasandy intellekt ázirlemeleri jáne derekterdi óńdeýge arnalǵan infraqurylym bir tizbekke biriktiriledi.
