Ilon Mask AQSh qarjylandyratyn «Azattyq radiosy» men «Amerika daýysy» (Golos Ameriki) radiostantsiialaryn jabýdy usyndy, dep habarlaidy Dalanews.kz.
9 aqpanda AQSh-tyń memlekettik basqarýdyń tiimdiligi jónindegi departamentiniń (DOGE) basshysy Ilon Mask AQSh úkimeti qarjylandyratyn «Azattyq radiosy» men «Amerika daýysy» radiostantsiialaryn jabýdy usyndy.
X (burynǵy Twitter) jelisinde Mask bylai dep jazdy:
«Iá, jabyńyzdar. Olardy endi eshkim tyńdamaidy. Bul – tek ózara sóilesip, salyq tóleýshilerdiń aqshasynan jylyna $1 mlrd ysyrap etetin radikaldy solshyldar».
Osylaisha, Mask AQSh prezidenti Donald Tramptyń arnaiy ókili Richard Grenelldiń málimdemesin qoldady. Grenell bul radiostantsiialardy «ótkenniń sarqynshaǵy» dep atap, olardy salyq tóleýshilerdiń aqshasyna qarjylandyrylatyn qajetsiz qurylymdar dep atady.
Buǵan deiin, 5 aqpanda, Mask Associated Press pen Politico siiaqty memlekettik qarjylandyrý alatyn BAQ-tardy synaǵan bolatyn. Ol mundai «ysyrapshyl shyǵyndardy» toqtatýǵa ýáde berdi.
«Azattyq radiosy» men «Amerika daýysy» (Golos Ameriki) – AQSh úkimeti qarjylandyratyn media korporatsiialar, olardyń qyzmeti aqparat taratý jáne demokratiialyq qundylyqtardy nasihattaýǵa baǵyttalǵan.
Reseide bul uiymdar sheteldik agent retinde tanylyp, «Azattyq radiosy» tipti qajetsiz uiymdar tizimine engizilgen.
