Kúni keshe senat depýtaty Janbolat Jórgenbaev pen hýtorlyq Hasan Qasymbaev týys ekeni anyqtaldy. Jýrnalist Dmitrii Shishkin zertteýinde Qasymbaev pen Jórgenbaevtyń týystyq bailanysy týraly ne belgili ekenin anyqtaǵan, - dep habarlaidy Dalanews.kz.
Dmitrii Shishkinniń sózinshe, ashyq derekkózderdegi málimet boiynsha, Janbolat Jórgenbaev pen Hasan Qasymbaev rasynda jaqyn týys emes. Alaida senatordyń kásip salasyndaǵy bailanysy týraly qyzyq derekter shyqqan.
Jórgenbaevtyń baýyrlarynyń biri - Bas prokýrordyń burynǵy orynbasary Muhtar Jórgenbaev Talǵar aýdanynda oligarh Qairat Boranbaevtyń aǵasymen birlesip kásip júrgizgen. Al taǵy bir baýyry eks-ministr Vladimir Shkolniktiń ulymen (2014-2016 jyldardaǵy energetika ministri) iskerlik seriktes bolǵan.
Jórgenbaev pen Qasymbaevtyń bailanysy qandai?
Senator Janbolat Jórgenbaev kópbalaly otbasynan shyqqan, onyń 7 aǵa-ápkesi bar. Keibir derekterde Hasan Qasymbaev pen Jórgenbaevtyń analary ápkeli-sińli ekeni kórsetilgen bolatyn. Alaida bul aqparattyń shyn bolýy ekitalai. Janbolat Jórgenbaevtyń anasy marqum Hanipa Chochaeva Qazaqstanǵa kóship kelgen balqarlyq áiel, sondyqtan Hasan Qasymbaevtyń anasy Gúlnar Nurákimovamen (Nurakenova) jaqyn týys bolmaýy múmkin. Muny kúni keshe Janbolat Jórgenbaevtyń ózi de aitqan bolatyn.
Jalpy Jórgenbaevtar men Qasymbaevtar bir aýyldan - Almaty oblysynyń Kegen aýdanyndaǵy Qarqara aýylynan shyqqan. Olardyń áleýmettik jelidegi bailanysy da tekserilgen. Mysaly Instagramda Hasan Qasymbaev senatordyń týysy Sáýle Jórgenbaevaǵa jáne inisi Islam Chochaevqa jazylǵan.
Senatordyń týystary men olarǵa tiesili qandai aktivter bar?
Senator Janbolat Jórgenbaevtyń eń tanymal týysy - joǵary shendi sheneýnik, 69 jastaǵy Muhtar Jórgenbaev. Bir kezderi ol Bas prokýrordyń (Qairat Mámi) orynbasary, Astana qalasynyń jáne birnege oblystyń prokýrory, sonymen qatar, Talǵar aýdanynyń prokýrory bolǵan.
Qazirgi tańda eks-sheneýnik kásippen ainalysyp júr. Onyń atynda Talǵar aýdanynda ornalasqan eki kompaniia tirkelgen. 2023 jylǵa deiin Muhtar Jórgenbaev Talǵat Boranbaevpen isker bolǵan.
Senatordyń taǵy bir baýyry - 59 jastaǵy Marat Jórgenbaev. Ol Esik qalasyndaǵy Bartogay Energy kompaniiasyna eks-ministr Vladimir Shkolniktiń balasy Igor Shkolnikpen ielik etedi.
Marat Jórgenbaevtyń eń tabysty kompaniiasy - Atyrau Park House JShS bolyp sanalady. Kompaniia jyljymaityn múlikti jalǵa berýmen jáne satýmen ainalysady. 2015 jyldan beri kompaniia 171 million teńge salyq tólegen.
Al senatordyń uly 34 jastaǵy Abzal Jórgenbaev ta kásipker. Ol eki kompaniianyń quryltaishysy.
