كۇنى كەشە سەنات دەپۋتاتى جانبولات جورگەنبايەۆ پەن حۋتورلىق حاسان قاسىمبايەۆ تۋىس ەكەنى انىقتالدى. جۋرناليست دميتريي شيشكين زەرتتەۋىندە قاسىمبايەۆ پەن جورگەنبايەۆتىڭ تۋىستىق بايلانىسى تۋرالى نە بەلگىلى ەكەنىن انىقتاعان، - دەپ حابارلايدى Dalanews.kz.
دميتريي شيشكيننىڭ سوزىنشە، اشىق دەرەككوزدەردەگى مالىمەت بويىنشا، جانبولات جورگەنبايەۆ پەن حاسان قاسىمبايەۆ راسىندا جاقىن تۋىس ەمەس. الايدا سەناتوردىڭ كاسىپ سالاسىنداعى بايلانىسى تۋرالى قىزىق دەرەكتەر شىققان.
جورگەنبايەۆتىڭ باۋىرلارىنىڭ ءبىرى - باس پروكۋروردىڭ بۇرىنعى ورىنباسارى مۇحتار جورگەنبايەۆ تالعار اۋدانىندا وليگارح قايرات بورانبايەۆتىڭ اعاسىمەن بىرلەسىپ كاسىپ جۇرگىزگەن. ال تاعى ءبىر باۋىرى ەكس-مينيستر ۆلاديمير شكولنيكتىڭ ۇلىمەن (2014-2016 جىلدارداعى ەنەرگەتيكا ءمينيسترى) ىسكەرلىك سەرىكتەس بولعان.
جورگەنبايەۆ پەن قاسىمبايەۆتىڭ بايلانىسى قانداي؟
سەناتور جانبولات جورگەنبايەۆ كوپبالالى وتباسىنان شىققان، ونىڭ 7 اعا-اپكەسى بار. كەيبىر دەرەكتەردە حاسان قاسىمبايەۆ پەن جورگەنبايەۆتىڭ انالارى اپكەلى-سىڭلى ەكەنى كورسەتىلگەن بولاتىن. الايدا بۇل اقپاراتتىڭ شىن بولۋى ەكىتالاي. جانبولات جورگەنبايەۆتىڭ اناسى مارقۇم حانيپا چوچايەۆا قازاقستانعا كوشىپ كەلگەن بالقارلىق ايەل، سوندىقتان حاسان قاسىمبايەۆتىڭ اناسى گۇلنار نۇراكىموۆامەن (نۇراكەنوۆا) جاقىن تۋىس بولماۋى مۇمكىن. مۇنى كۇنى كەشە جانبولات جورگەنبايەۆتىڭ ءوزى دە ايتقان بولاتىن.
جالپى جورگەنبايەۆتار مەن قاسىمبايەۆتار ءبىر اۋىلدان - الماتى وبلىسىنىڭ كەگەن اۋدانىنداعى قارقارا اۋىلىنان شىققان. ولاردىڭ الەۋمەتتىك جەلىدەگى بايلانىسى دا تەكسەرىلگەن. مىسالى ينستاگرامدا حاسان قاسىمبايەۆ سەناتوردىڭ تۋىسى ساۋلە جورگەنبايەۆاعا جانە ءىنىسى يسلام چوچايەۆقا جازىلعان.
سەناتوردىڭ تۋىستارى مەن ولارعا تيەسىلى قانداي اكتيۆتەر بار؟
سەناتور جانبولات جورگەنبايەۆتىڭ ەڭ تانىمال تۋىسى - جوعارى شەندى شەنەۋنىك، 69 جاستاعى مۇحتار جورگەنبايەۆ. ءبىر كەزدەرى ول باس پروكۋروردىڭ (قايرات ءمامي) ورىنباسارى، استانا قالاسىنىڭ جانە بىرنەگە وبلىستىڭ پروكۋرورى، سونىمەن قاتار، تالعار اۋدانىنىڭ پروكۋرورى بولعان.
قازىرگى تاڭدا ەكس-شەنەۋنىك كاسىپپەن اينالىسىپ ءجۇر. ونىڭ اتىندا تالعار اۋدانىندا ورنالاسقان ەكى كومپانيا تىركەلگەن. 2023 جىلعا دەيىن مۇحتار جورگەنبايەۆ تالعات بورانبايەۆپەن ىسكەر بولعان.
سەناتوردىڭ تاعى ءبىر باۋىرى - 59 جاستاعى مارات جورگەنبايەۆ. ول ەسىك قالاسىنداعى Bartogay Energy كومپانياسىنا ەكس-مينيستر ۆلاديمير شكولنيكتىڭ بالاسى يگور شكولنيكپەن يەلىك ەتەدى.
مارات جورگەنبايەۆتىڭ ەڭ تابىستى كومپانياسى - Atyrau Park House ج ش س بولىپ سانالادى. كومپانيا جىلجىمايتىن مۇلىكتى جالعا بەرۋمەن جانە ساتۋمەن اينالىسادى. 2015 جىلدان بەرى كومپانيا 171 ميلليون تەڭگە سالىق تولەگەن.
ال سەناتوردىڭ ۇلى 34 جاستاعى ابزال جورگەنبايەۆ تا كاسىپكەر. ول ەكى كومپانيانىڭ قۇرىلتايشىسى.
