Hasan Qasymbaev pen onyń sybailastarynyń apelliatsiialyq shaǵymdary Almaty oblystyq sotyna tústi, dep habarlaidy Dalanews.kz.
Bul týraly málimet Sot kabineti saitynda jariialandy. Portal deregine sáikes, is 13 qańtarda sýdiaǵa joldanǵan.
Osylaisha, protsess taraptary úkimge kelispei, ony joǵary satydaǵy sotta qaita qaraýǵa nietti ekenin bildirip otyr.
Eske salaiyq, sot Hasan Qasymbaevty adam urlaý, qasaqana aýyr dene jaraqatyn salý jáne bopsalaý baptary boiynsha aiypty dep tanyǵan bolatyn. Aiyptaýlardyń jiyntyǵy boiynsha Qasymbaev 12 jylǵa bostandyǵynan aiyryldy. Jazasyn ortasha qaýipsizdik mekemesinde óteidi.
Úkim jariialanǵannan keiin Hasan Qasymbaevtyń qorǵaýshylary Nariman Kervenov pen Gúlmira Babajanova sot sheshimimen kelispeitinderin aitty.
