Túneýkúni Vladimir Bojko "turǵyndar áleýmettik kómekti kóbeitkeni úshin úkimettiń aldynda tizerlep turyp alǵys aitýy qajet" degen-tuǵyn. Bojkonyń bul sózi kúlli halyqtyń ashý-yzasyn týǵyzyp, áleýmettik jelidegi jurt Májilistiń vitse-spikerin jerden alyp, jerge salǵan.
Ulttyq qoǵamdyq senim keńesiniń otyrysynan soń tilshilermen tildesken Tileýhan: "Halyqty tizerletý degen adamnyń aqylyna syiatyn nárse emes", - dep qysqa qaiyrdy.
Al úkimet basshysynyń orynbasary Berdibek Saparbaevtyń oiynsha, Vladimir Bojko bul sózdi "ańdamai aityp qalǵan".
Keshe buǵan qatysty aqparat jáne qoǵamdyq damý ministri Dáýren Abaev ta pikir bildirip: "Bojko myrza emotsiianyń jetegine erip ketti, sodan da bolar oiyn durys jetkize almaǵan. Anyǵynda ol qazaq jeriniń naǵyz janashyry" dedi.
