Halyqqa tegin maska taratqan tanymal dizainer koronavirýstan qaitys boldy
Qaraly habardy cenator, telejýrnalist Dana Nurjigit áleýmettik jelide estirtti. Berik Ismailov karantin kezinde maska tigip, kópbalaly otbasylarǵa, múgedek jandarǵa, zeinetkerlerge tegin taratqan bolatyn.
«Koronavirýs elimizge qaýip tóndirgen alǵashqy kúnnen-aq tegin maska tigip, taratyp, búkil shákirtterin sol jumysqa jumyldyrǵan patriot, tamasha dizainer, elgezek jan Berik Ismailov aǵamyzdy da sum ajal, beti jaman indet aramyzdan alyp ketti. Eki jyldai buryn júregine ota jasatyp, aýyr keseldi jeńip, qatarǵa qosylyp, ádetinshe eńbekqor adamnyń tynymsyz tirshiligine kirisip ketken edi. Qanshama ónerpazǵa kostiým tigip, qanshama adamdy tiginshilik ónerge baýlyp, shákirt tárbielegen ustaz edińiz! Naryqtyń tilin meńgergen naǵyz isker azamat! Almatynyń Áýezov pen Timiriazev kóshesin Beriktiń sheberhanasynsyz elestetý, áste, múmkin emes edi! Sol kósheniń jarqyraǵan shamy óshkendei búgin... Baqul bolyńyz, Jaqsy Adam!», - dep jazdy D.Nurjigit óziniń Instagram-paraqshasynda.
Berik Ismailov áigili ánshi Dimash Qudaibergenniń «Slavianskii bazar» baiqaýynda kigen sahnalyq kiimderin tikken edi. Ol ómiriniń sońǵy 24 jylyn osy salaǵa arnaǵan edi.
https://www.instagram.com/p/B-J60--AYhP/
https://www.instagram.com/p/B-EQZ2xg6Y5/
