قارالى حاباردى cەناتور، تەلەجۋرناليست دانا نۇرجىگىت الەۋمەتتىك جەلىدە ەستىرتتى. بەرىك يسمايلوۆ كارانتين كەزىندە ماسكا تىگىپ، كوپبالالى وتباسىلارعا، مۇگەدەك جاندارعا، زەينەتكەرلەرگە تەگىن تاراتقان بولاتىن.
«كوروناۆيرۋس ەلىمىزگە ءقاۋىپ توندىرگەن العاشقى كۇننەن-اق تەگىن ماسكا تىگىپ، تاراتىپ، بۇكىل شاكىرتتەرىن سول جۇمىسقا جۇمىلدىرعان پاتريوت، تاماشا ديزاينەر، ەلگەزەك جان بەرىك يسمايلوۆ اعامىزدى دا سۇم اجال، بەتى جامان ىندەت ارامىزدان الىپ كەتتى. ەكى جىلداي بۇرىن جۇرەگىنە وتا جاساتىپ، اۋىر كەسەلدى جەڭىپ، قاتارعا قوسىلىپ، ادەتىنشە ەڭبەكقور ادامنىڭ تىنىمسىز تىرشىلىگىنە كىرىسىپ كەتكەن ەدى. قانشاما ونەرپازعا كوستيۋم تىگىپ، قانشاما ادامدى تىگىنشىلىك ونەرگە باۋلىپ، شاكىرت تاربيەلەگەن ۇستاز ەدىڭىز! نارىقتىڭ ءتىلىن مەڭگەرگەن ناعىز ىسكەر ازامات! الماتىنىڭ اۋەزوۆ پەن تيميريازيەۆ كوشەسىن بەرىكتىڭ شەبەرحاناسىنسىز ەلەستەتۋ، استە، مۇمكىن ەمەس ەدى! سول كوشەنىڭ جارقىراعان شامى وشكەندەي بۇگىن... باقۇل بولىڭىز، جاقسى ادام!»، - دەپ جازدى د.نۇرجىگىت ءوزىنىڭ Instagram-پاراقشاسىندا.
بەرىك يسمايلوۆ ايگىلى ءانشى ديماش قۇدايبەرگەننىڭ «سلاۆيانسكيي بازار» بايقاۋىندا كيگەن ساحنالىق كيىمدەرىن تىككەن ەدى. ول ءومىرىنىڭ سوڭعى 24 جىلىن وسى سالاعا ارناعان ەدى.
https://www.instagram.com/p/B-J60--AYhP/
https://www.instagram.com/p/B-EQZ2xg6Y5/
