25 qyrkúiekten bastap Alatau City Market óz jumysyn toqtatady. Banktiń baspasóz qyzmeti túsiniktemesinde bul sheshim biznes-basymdyqtardyń ózgerýimen bailanysty ekeni aitylady, dep habarlaidy Dalanews.kz.
"Marketpleis – derbes biznes-qurylym jáne onyń jabylýy banktiń negizgi qyzmetine áser etpeidi", delingen banktiń baspasóz baianynda.
Odan bólek Alatau City Bank banktik qyzmetke jatpaityn servisterdi jaba bastaǵan: búgingi tańda azyq-túlik jetkizý, áýe jáne temirjol biletterin brondaý, kino men teatr biletterin satyp alý qyzmetteri de toqtaǵan.
"Biz servisterdi birtindip jaba bastaýdy jón dep taptyq. Bul sheshim bizdiń basymdyqtarymyzdy ózgertýge jáne jańa jobalarǵa den qoiýymyzben bailanysty. Sondyqtan búgingi kúnderi qosymshamyzdaǵy sýpermarkettergn qoljetimdilik joq. Atalǵan qyzmetterdi qaita iske qosý da josparlanyp otyrǵan joq", – dedi banktegiler.
Aita ketsek, 2025 jyly shilde aiynda bankti kásipker Viacheslav Kim satyp alǵan bolatyn. Buǵan deiin bank Tele2/Altel-men Jusan Mobile jobasy boiynsha jumysty toqtatyp, rebrending jasaǵan edi.
Qazaqstanda tsifrlyq aktivterdiń tolyqqandy ekojúiesin qalyptastyrýdy jedeldetý úshin Ulttyq Bankpen birlesip, Memlekettik tsifrlyq aktivter qoryn qurý da josparlanýda. Bul qurylymda jańa tsifrlyq qarjy júiesindegi bolashaǵy zor aktivterden quralǵan strategiialyq kriptorezerv jinaqtalady. Sondai-aq, prezident Alatau City aimaqtaǵy tolyq tsifrlanǵan alǵashqy qalaǵa ainalatynyn da aitqan edi.
"Munda Smart City tehnologiialaryn qoldanýdan bastap taýarlar men qyzmet aqysyn kriptovaliýtamen tóleýge deiingi jańalyqtyń barlyǵy engizilmek. Bul qala Qazaqstannyń keleshektegi kelbetin tanytpaq. Onda tehnologiialyq órleýge jáne ómir súrýge barynsha qolaily jaǵdai jasalady", - dedi Memleket basshysy bul rette.
