Bul týraly jelide qoǵam belsendisi, ulttyq naqyshtaǵy fýtbolkalar jasaýmen ainalysatyn Ańsaǵan Mustafa jazdy.
"Buny kim toqtata alady? Elimniń tóri Almatyda ornalasyp, nege bóten eldiń saiasatyn meniń elimde júrgizedi, beibit elimniń kóńilin lailap, jastarǵa nege soǵys, ult arazdyq taqyrypta fýtbolka kigizedi?", - deidi ol.
Mayki.kz caitynda Resei prezidenti Vladimir Pýtin men osy eldiń Syrtqy ister ministri Sergei Lavrovqa arnalǵan bólim bar. Fýtbolkalar men kepkilerde beinelengen sýretter men ózge de ónimderdiń derligi Resei saiasatyn nasihattaidy, Reseidiń áskeri qurylymdaryn ulyqtaidy.
Eń soraqysy 2014 jyly Qyrymǵa astyrtyn kirip, túbektegi strategiialyq nysandardy basyp alǵan "Sypaiy adamdardyń" ("Vejlivye liýdi") sýreti beinelengen fýtbolkalar da erkin ainalymda júr.
Internet magazinniń Kreml saiasatyn qoldaityny kózge uryp tur. Munda Máskeýdiń agressiiasyna qarsy kúresip jatqan Ýkraina ónimderi atymen joq. Ultaralyq tatýlyqqa syna qaǵyp otyrǵan sait quzyrly organdardyń nazaryna iligýi tiis dep sanaimyz.
Aita ketelik, Peterbor qalasynda ótken forýmda prezident Toqaev Qazaqstannyń onetski men Lýganskini moiyndamaitynyn málimdegen edi.
Toqaevtyń aitýynsha, eger ulttyń ózin-ózi anyqtaý quqyǵy shyn máninde júzege asyrylatyn bolsa, onda BUU quramyna kiretin 193 memlekettiń ornyna jer betinde 500 nemese 600 memleket paida bolar edi, bul óz kezeginde úlken haosqa ákelip soǵýy múmkin.
“Osy sebepti biz Taivandy da, Kosovony da, Ońtústik Osetiiany da, Abhaziiany da moiyndamaimyz ári bul printsip, bizdiń oiymyzsha, kvazimemlekettik territoriialarǵa da qatysty qoldanylady, al Lýgansk pen Donetsk sol sanatta bolyp tabylady. Mine, bul sizdiń suraǵyńyzǵa ashyq jaýap”, – degen edi Toqaev.
Osylaisha Qazaqstan prezidenti separatisterdiń áreketin qoldamaitynyn ashyq kórsetken.
