بۇل تۋرالى جەلىدە قوعام بەلسەندىسى، ۇلتتىق ناقىشتاعى فۋتبولكالار جاساۋمەن اينالىساتىن اڭساعان مۇستافا جازدى.
"بۇنى كىم توقتاتا الادى؟ ەلىمنىڭ ءتورى الماتىدا ورنالاسىپ، نەگە بوتەن ەلدىڭ ساياساتىن مەنىڭ ەلىمدە جۇرگىزەدى، بەيبىت ەلىمنىڭ كوڭىلىن لايلاپ، جاستارعا نەگە سوعىس، ۇلت ارازدىق تاقىرىپتا فۋتبولكا كيگىزەدى؟"، - دەيدى ول.
Mayki.kz cايتىندا رەسەي پرەزيدەنتى ۆلاديمير پۋتين مەن وسى ەلدىڭ سىرتقى ىستەر ءمينيسترى سەرگەي لاۆروۆقا ارنالعان ءبولىم بار. فۋتبولكالار مەن كەپكىلەردە بەينەلەنگەن سۋرەتتەر مەن وزگە دە ونىمدەردىڭ دەرلىگى رەسەي ساياساتىن ناسيحاتتايدى، رەسەيدىڭ اسكەري قۇرىلىمدارىن ۇلىقتايدى.
ەڭ سوراقىسى 2014 جىلى قىرىمعا استىرتىن كىرىپ، تۇبەكتەگى ستراتەگيالىق نىسانداردى باسىپ العان "سىپايى ادامداردىڭ" ("ۆەجليۆىە ليۋدي") سۋرەتى بەينەلەنگەن فۋتبولكالار دا ەركىن اينالىمدا ءجۇر.
ينتەرنەت ماگازيننىڭ كرەمل ساياساتىن قولدايتىنى كوزگە ۇرىپ تۇر. مۇندا ماسكەۋدىڭ اگرەسسياسىنا قارسى كۇرەسىپ جاتقان ۋكراينا ونىمدەرى اتىمەن جوق. ۇلتارالىق تاتۋلىققا سىنا قاعىپ وتىرعان سايت قۇزىرلى ورگانداردىڭ نازارىنا ىلىگۋى ءتيىس دەپ سانايمىز.
ايتا كەتەلىك، پەتەربور قالاسىندا وتكەن فورۋمدا پرەزيدەنت توقايەۆ قازاقستاننىڭ ونەسكى مەن لۋگانسكىنى مويىندامايتىنىن مالىمدەگەن ەدى.
توقايەۆتىڭ ايتۋىنشا، ەگەر ۇلتتىڭ ءوزىن-وزى انىقتاۋ قۇقىعى شىن مانىندە جۇزەگە اسىرىلاتىن بولسا، وندا بۇۇ قۇرامىنا كىرەتىن 193 مەملەكەتتىڭ ورنىنا جەر بەتىندە 500 نەمەسە 600 مەملەكەت پايدا بولار ەدى، بۇل ءوز كەزەگىندە ۇلكەن حاوسقا اكەلىپ سوعۋى مۇمكىن.
“وسى سەبەپتى ءبىز تايۆاندى دا، كوسوۆونى دا، وڭتۇستىك وسەتيانى دا، ابحازيانى دا مويىندامايمىز ءارى بۇل پرينسيپ، ءبىزدىڭ ويىمىزشا، كۆازيمەملەكەتتىك تەرريتوريالارعا دا قاتىستى قولدانىلادى، ال لۋگانسك پەن دونەسك سول ساناتتا بولىپ تابىلادى. مىنە، بۇل ءسىزدىڭ سۇراعىڭىزعا اشىق جاۋاپ”، – دەگەن ەدى توقايەۆ.
وسىلايشا قازاقستان پرەزيدەنتى سەپاراتيستەردىڭ ارەكەتىن قولدامايتىنىن اشىق كورسەتكەن.
