Vashingtondaǵy áýejaidyń qasyndaǵy ózenge ushaq qulady, dep habarlaidy Dalanews.kz.
Ushaq bortynda 64 adam bolǵan. Onyń alpysy jolaýshy, tórteýi ekipaj múshesi.
Ushaqtyń qulaýyna qonýǵa kele jatqan kezde áýede áskeri Sikorsky H-60 Black Hawk tikushaǵymen soqtyǵysýy sebep bolǵan. Bul týraly FAA habarlady. Alaida bul aldyn ala boljam jáne ózgerýi múmkin.
NBC málimetinshe, keminde tórt adam aman qalǵan. Olar aýrýhanaǵa jetkizilgen.
Politsiia Potomak ózeninen qaza tapqandardyń denesin alyp shyqqan. Bul týraly The Washington Post jazdy.
Aqtaýdaǵy apat
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany — 38. Qaiǵyly oqiǵadan 29 adam aman qaldy.
Qaiǵyly oqiǵadan keiin Ázerbaijanda Jalpyulttyq aza tutý kúni jariialandy. Túste búkil el boiynsha memlekettik týlar túsirilip, kólikter toqtady. Ázerbaijandyqtar qaza tapqandardy bir minýt únsizdikpen eske aldy.
