Vaktsina alǵandar jumysyn keńsede jalǵasytara alady
Qaýlyda kórsetilgendei, áleýmettik-ekonomikalyq nysandardyń jumysyn shekteý talaptaryna sáikes, «qyzyl» aimaqta 80%-y qashyqtyqtan isteý rejimine, 20%-y kúndizgi rejimge aýystyrylýy tiis. «Sary» aimaqta: 50%-y qashyqtyqtan isteý rejimine, 50%-y kúndizgi rejimge kóshýi tiis. «Jasyl» aimaqta: 30%-y qashyqtyqtan isteý rejimine, 70%-y kúndizgi rejimge aýysady.
Eskertpede uiymdar, keńseler qyzmetkerlerge COVID-19-ǵa qarsy vaktsinatsiia júrgizgen jaǵdaida qashyqtyqtan jáne tikelei jumys ornyna barý formattarynda jumys isteitin qyzmetkerlerdiń paiyzdyq araqatynasy jónindegi talaptardy eskermesten qyzmetin júzege asyratyny túsindiriledi. Bul rette sońǵy 6 ai ishinde COVID-19-ǵa qarsy vaktsinatsiianyń tolyq kýrsyn alǵan jáne COVID-19-ben aýyryp, jazylǵan barlyq qyzmetkerlerdiń kúndizgi rejimde jumys isteýine bolady. Osylaisha, vaktsinatsiianyń tolyq kýrsyn alǵan azamattar ózderiniń turatyn jerleriniń qai aimaqta ekenine qaramastan kúndizgi rejimde jumys isteýge jiberiledi.
– Árbir jumys berýshi onyń kásiporny tolyǵymen jumys isteýi úshin óz ujymyn vaktsinatsiialaýǵa qyzyǵýshylyq tanytady. Shynynda da vaktsinatsiialanbaǵan qyzmetkerler qashyqtyqtan isteýge ketedi. Eger biz osy infektsiiany jeńgimiz kelse, qalypty ómirge oralyp, koronavirýsty jeńe alatyn immýndyq qabat qurǵymyz kelse, onda árkim ýaqtyly egilýi kerek. Meniń oiymsha, bári ekpe alý sheshim qabyldaidy jáne osy protsesti odan ary keshiktirmeidi. Eger adam vaktsinanyń birinshi komponentin alsa, onda ol mindetti túrde ekinshi komponentten ótýi kerektigi týraly habardar etiledi, – dep habarlady Á.Qalyqova.
Sondai-aq, ol jumys berýshiler óz ujymdarynda ekpe saldyrýdyń óte mańyzdy ekenin túsindirýleri tiis dep atap ótti.
