Ulytaý oblysynda jol erejesin óreskel buzǵan júrgizýshiler jaýapqa tartyldy, dep habarlaidy dalanews.kz.
Ulytaý oblysy Politsiia departamentiniń qyzmetkerleri áleýmettik jelige júrgizilgen monitoring barysynda Jáirem kentindegi meiramhanalardyń birinde ótken úilený toiyna bailanysty uiymdastyrylǵan kólikter kolonnasy jol qozǵalysy qaǵidalaryn buzǵanyn anyqtady.
Júrgizilgen tekseris barysynda kolonnany uiymdastyrǵan adam anyqtalyp, oǵan Ákimshilik quqyqbuzýshylyq týraly kodekstiń usaq buzaqylyq baby boiynsha ákimshilik hattama toltyryldy. Sonymen qatar, politsiia qyzmetkerleri júrgizgen jedel is-sharalar nátijesinde jol qozǵalysy qaǵidalaryn óreskel buzǵan 8 kólik júrgizýshisi anyqtalyp, barlyq kólik mamandandyrylǵan aiyppul turaǵyna qoiyldy.
"Tártip buzýshylarǵa qatysty barlyǵy 22 ákimshilik hattama rásimdeldi: usaq buzaqylyq jasaý, júrgizýshi men jolaýshynyń qaýipsizdik beldigin taqpaýy, qarsy qozǵalys jolaǵyna shyǵý, kólikti paidalaný qaǵidalaryn buzý, kólikti paidalaný kezinde belgilengen talaptardy saqtamaý, jol qozǵalysynyń ózge qatysýshylaryna jol apaty jaǵdaiyn týǵyzý, sondai-aq, jaiaý júrginshiler men ózge de jol qozǵalysyna qatysýshylardyń jol qozǵalysy qaǵidalaryn buzýy jáne basqa da ákimshilik quqyqbuzýshylyqtar anyqtaldy", - dedi politsiia.
