ۇلىتاۋ وبلىسىندا جول ەرەجەسٸن ٶرەسكەل بۇزعان جٷرگٸزۋشٸلەر جاۋاپقا تارتىلدى, دەپ حابارلايدى dalanews.kz.
ۇلىتاۋ وبلىسى پوليتسييا دەپارتامەنتٸنٸڭ قىزمەتكەرلەرٸ ەلەۋمەتتٸك جەلٸگە جٷرگٸزٸلگەن مونيتورينگ بارىسىندا جەيرەم كەنتٸندەگٸ مەيرامحانالاردىڭ بٸرٸندە ٶتكەن ٷيلەنۋ تويىنا بايلانىستى ۇيىمداستىرىلعان كٶلٸكتەر كولونناسى جول قوزعالىسى قاعيدالارىن بۇزعانىن انىقتادى.
جٷرگٸزٸلگەن تەكسەرٸس بارىسىندا كولوننانى ۇيىمداستىرعان ادام انىقتالىپ, وعان ەكٸمشٸلٸك قۇقىقبۇزۋشىلىق تۋرالى كودەكستٸڭ ۇساق بۇزاقىلىق بابى بويىنشا ەكٸمشٸلٸك حاتتاما تولتىرىلدى. سونىمەن قاتار, پوليتسييا قىزمەتكەرلەرٸ جٷرگٸزگەن جەدەل ٸس-شارالار نەتيجەسٸندە جول قوزعالىسى قاعيدالارىن ٶرەسكەل بۇزعان 8 كٶلٸك جٷرگٸزۋشٸسٸ انىقتالىپ, بارلىق كٶلٸك مامانداندىرىلعان ايىپپۇل تۇراعىنا قويىلدى.
"تەرتٸپ بۇزۋشىلارعا قاتىستى بارلىعى 22 ەكٸمشٸلٸك حاتتاما رەسٸمدەلدٸ: ۇساق بۇزاقىلىق جاساۋ, جٷرگٸزۋشٸ مەن جولاۋشىنىڭ قاۋٸپسٸزدٸك بەلدٸگٸن تاقپاۋى, قارسى قوزعالىس جولاعىنا شىعۋ, كٶلٸكتٸ پايدالانۋ قاعيدالارىن بۇزۋ, كٶلٸكتٸ پايدالانۋ كەزٸندە بەلگٸلەنگەن تالاپتاردى ساقتاماۋ, جول قوزعالىسىنىڭ ٶزگە قاتىسۋشىلارىنا جول اپاتى جاعدايىن تۋعىزۋ, سونداي-اق, جاياۋ جٷرگٸنشٸلەر مەن ٶزگە دە جول قوزعالىسىنا قاتىسۋشىلاردىڭ جول قوزعالىسى قاعيدالارىن بۇزۋى جەنە باسقا دا ەكٸمشٸلٸك قۇقىقبۇزۋشىلىقتار انىقتالدى", - دەدٸ پوليتسييا.
