Jelide ózin hidjama mamany ári kosmetolog retinde tanystyratyn Ásiia esimdi blogerdiń ajyrasqan áielder jaily pikiri qyzý talqyǵa tústi. Ol áiel adamnyń uzaq ýaqyt nekesiz júrýi rýhani turǵyda qaýip tóndiredi dep sanaidy, dep habarlaidy Dalanews.kz.
Blogerdiń aitýynsha, islamda ajyrasqan áiel idda merzimin - úsh ai on kúndi ótegen soń, uzaq ýaqyt boiy kúieýge timese, oǵan «erkek jyn» degen tylsym kúsh iesi ǵashyq bolady.
«Eger áiel uzaq ýaqyt boiy er adamsyz júrse, ol jyn onyń janyna ornyǵyp alady. Saldarynan áiel jańa tanystaryn qabyldai almaidy, eshkim unamai qalady. Mundai jaǵdailarda áieldiń túsine sol jyn kirip, ózi sol áielmen qosylyp júrgendei kórinedi. Bul qaýipti belgi», - deidi ol.
Bloger bul jaǵdaidyń naqty mysalyn da keltirdi. Aitýynsha, onyń patsientteriniń biri 10 jyl boiy turmys qurmaǵan. Keiin úilengen soń birneshe jyldan keiin álgi «jyn» qaita mazalai bastap, tipti áieldi kúieýine qarsy qoia bastaǵan.
«Kúieýine degen jiirkenish paida bolyp, sońy sýitsid áreketine deiin barǵan. Abyroi bolǵanda, kúieýi aman alyp qalǵan. Qazir ol áielge arnaiy em júrgizilip jatyr», - deidi ol.
Bul málimdeme áleýmettik jeli qoldanýshylary arasynda ekiushty pikir týǵyzyp, keibireýler mundai kózqarasty ziiandy dese, endi biri ony dini senimmen bailanystyrady.
