جەلىدە ءوزىن حيدجاما مامانى ءارى كوسمەتولوگ رەتىندە تانىستىراتىن ءاسيا ەسىمدى بلوگەردىڭ اجىراسقان ايەلدەر جايلى پىكىرى قىزۋ تالقىعا ءتۇستى. ول ايەل ادامنىڭ ۇزاق ۋاقىت نەكەسىز ءجۇرۋى رۋحاني تۇرعىدا ءقاۋىپ توندىرەدى دەپ سانايدى، دەپ حابارلايدى Dalanews.kz.
بلوگەردىڭ ايتۋىنشا، يسلامدا اجىراسقان ايەل يددا مەرزىمىن - ءۇش اي ون كۇندى وتەگەن سوڭ، ۇزاق ۋاقىت بويى كۇيەۋگە تيمەسە، وعان «ەركەك جىن» دەگەن تىلسىم كۇش يەسى عاشىق بولادى.
«ەگەر ايەل ۇزاق ۋاقىت بويى ەر ادامسىز جۇرسە، ول جىن ونىڭ جانىنا ورنىعىپ الادى. سالدارىنان ايەل جاڭا تانىستارىن قابىلداي المايدى، ەشكىم ۇناماي قالادى. مۇنداي جاعدايلاردا ايەلدىڭ تۇسىنە سول جىن كىرىپ، ءوزى سول ايەلمەن قوسىلىپ جۇرگەندەي كورىنەدى. بۇل ءقاۋىپتى بەلگى»، - دەيدى ول.
بلوگەر بۇل جاعدايدىڭ ناقتى مىسالىن دا كەلتىردى. ايتۋىنشا، ونىڭ پاسيەنتتەرىنىڭ ءبىرى 10 جىل بويى تۇرمىس قۇرماعان. كەيىن ۇيلەنگەن سوڭ بىرنەشە جىلدان كەيىن الگى «جىن» قايتا مازالاي باستاپ، ءتىپتى ايەلدى كۇيەۋىنە قارسى قويا باستاعان.
«كۇيەۋىنە دەگەن جيىركەنىش پايدا بولىپ، سوڭى سۋيسيد ارەكەتىنە دەيىن بارعان. ابىروي بولعاندا، كۇيەۋى امان الىپ قالعان. ءقازىر ول ايەلگە ارنايى ەم جۇرگىزىلىپ جاتىر»، - دەيدى ول.
بۇل مالىمدەمە الەۋمەتتىك جەلى قولدانۋشىلارى اراسىندا ەكىۇشتى پىكىر تۋعىزىپ، كەيبىرەۋلەر مۇنداي كوزقاراستى زياندى دەسە، ەندى ءبىرى ونى ءدىني سەنىممەن بايلانىستىرادى.
