Shyǵys Qazaqstan oblysynda balanyń ólimine ákep soqqan jol apaty boiynsha is sotqa deiin jetti, dep habarlaidy Dalanews.kz.
Shyǵys Qazaqstan oblysy Politsiia departamenti Kúrshim aýdandyq politsiia bólimi kámeletke tolmaǵan jolaýshynyń ólimine kináli dep tanylǵan jol qurylys uiymdarynyń biriniń 53 jastaǵy bas injenerine qatysty qylmystyq isti tergep-tekserýdi aiaqtady.
Tergeý barysynda jol ústindegi úiilgen topyraq kólik qozǵalysyna qaýip tóndirgeni belgili boldy. Alaida kúdikti "Jol júrisi týraly" QR zańynyń talaptaryna qaramastan, eskertý belgisin ornatpaǵan.
"Osy salǵyrttyqtyń saldarynan 31 qazanda Kúrshim–Qaljyr–Aqsýat tasjolynyń 37-shaqyrymynda aýdannyń 37 jastaǵy turǵyny jol ústindegi úiilgen topyraqqa soǵylǵan. Oqiǵa saldarynan onyń 2019 jyly týǵan kishkentai uly oqiǵa ornynda kóz jumǵan, al 2017 jyly týǵan qyzy túrli jaraqat alǵan", - dedi politsiia.
Qylmystyq isti tergeý shamamen úsh aiǵa sozylǵan. 2026 jyly qańtarda is sotqa joldanyp, naýryzda aiyptaý úkimi shyqty. Sot injenerdi kináli dep tanydy. Oǵan bas bostandyǵynan jáne bir jyl merzimge jol qaýipsizdigin qamtamasyz etýge bailanysty laýazymdardy atqarý quqyǵynan aiyrý jazasy taǵaiyndaldy.
