شىعىس قازاقستان وبلىسىندا بالانىڭ ٶلٸمٸنە ەكەپ سوققان جول اپاتى بويىنشا ٸس سوتقا دەيٸن جەتتٸ, دەپ حابارلايدى Dalanews.kz.
شىعىس قازاقستان وبلىسى پوليتسييا دەپارتامەنتٸ كٷرشٸم اۋداندىق پوليتسييا بٶلٸمٸ كەمەلەتكە تولماعان جولاۋشىنىڭ ٶلٸمٸنە كٸنەلٸ دەپ تانىلعان جول قۇرىلىس ۇيىمدارىنىڭ بٸرٸنٸڭ 53 جاستاعى باس ينجەنەرٸنە قاتىستى قىلمىستىق ٸستٸ تەرگەپ-تەكسەرۋدٸ اياقتادى.
تەرگەۋ بارىسىندا جول ٷستٸندەگٸ ٷيٸلگەن توپىراق كٶلٸك قوزعالىسىنا قاۋٸپ تٶندٸرگەنٸ بەلگٸلٸ بولدى. الايدا كٷدٸكتٸ "جول جٷرٸسٸ تۋرالى" قر زاڭىنىڭ تالاپتارىنا قاراماستان, ەسكەرتۋ بەلگٸسٸن ورناتپاعان.
"وسى سالعىرتتىقتىڭ سالدارىنان 31 قازاندا كٷرشٸم–قالجىر–اقسۋات تاسجولىنىڭ 37-شاقىرىمىندا اۋداننىڭ 37 جاستاعى تۇرعىنى جول ٷستٸندەگٸ ٷيٸلگەن توپىراققا سوعىلعان. وقيعا سالدارىنان ونىڭ 2019 جىلى تۋعان كٸشكەنتاي ۇلى وقيعا ورنىندا كٶز جۇمعان, ال 2017 جىلى تۋعان قىزى تٷرلٸ جاراقات العان", - دەدٸ پوليتسييا.
قىلمىستىق ٸستٸ تەرگەۋ شامامەن ٷش ايعا سوزىلعان. 2026 جىلى قاڭتاردا ٸس سوتقا جولدانىپ, ناۋرىزدا ايىپتاۋ ٷكٸمٸ شىقتى. سوت ينجەنەردٸ كٸنەلٸ دەپ تانىدى. وعان باس بوستاندىعىنان جەنە بٸر جىل مەرزٸمگە جول قاۋٸپسٸزدٸگٸن قامتاماسىز ەتۋگە بايلانىستى لاۋازىمداردى اتقارۋ قۇقىعىنان ايىرۋ جازاسى تاعايىندالدى.
