Qazaqstanda qorshaǵan ortany qorǵaý sharalary kúsheitilip jatyr. "Jasyl damý" AQ ormandardy qorǵaý jáne janýarlar dúniesin qorǵaý uiymdarynyń materialdyq-tehnikalyq bazasyn damytý jobalaryn 8,5 mlrd teńgeden astam somaǵa qarjylandyrdy, dep habarlaidy Dalanews.kz.
6,19 mlrd teńgeden astam qarjy orman órtterin erte anyqtaý júiesin satyp alýǵa baǵyttaldy. Qarajat "Ónerkásipti damytý qory" AQ arqyly bólindi. Zamanaýi baǵdarlamalyq-apparattyq keshen Aqmola oblysy, Astana qalasy, Qostanai oblysyndaǵy orman sharýashylyqtary men memlekettik tabiǵi qoryqtarǵa berildi.
Júie ormandardyń jaǵdaiyn turaqty baqylaýǵa jáne órt oshaqtaryn jedel anyqtaýǵa arnalǵan. Uiym ókilderiniń aitýynsha, bul tehnologiiany engizý órt qaýipti maýsymda orman jáne dala órtterinen keletin zalaldy aitarlyqtai azaitýǵa múmkindik beredi.
Sonymen qatar, kádege jaratý alymy qarajaty esebinen "Jasyl damý" AQ tabiǵatty qorǵaý qurylymdarynyń materialdyq-tehnikalyq bazasyn damytýǵa 2,41 mlrd teńge bóldi.
Qarajat tehnikalyq reglamentte belgilengen ekologiialyq talaptarǵa sai otandyq tehnikany satyp alýǵa jumsaldy. Tizimge tolyq jetekti jol talǵamaityn kólikter, ótkizgishtigi joǵary júk avtomobilderi (onyń ishinde refrijerator-týshevozdar), sondai-aq tirkemeli jabdyqtary bar dóńgelekti traktorlar kirdi. Barlyq tehnika janýarlar dúniesin qorǵaý, kóbeitý jáne paidalaný jumystarymen ainalysatyn arnaiy uiymdarǵa berildi.
Buǵan deiin saitymyzda "QQS mólsherlemesin arttyrýǵa qarsymyz! Biznes qaýymdastyq petitsiia jobasyn ázirlep jatyr" degen maqala shyqqan. "Elimizde qosymsha qun salyǵyn ósirý kózdelip otyr. sarapshylar qaýymy buǵan nege qarsy" degen maqalamen de tanysa otyryńyzdar.
