قازاقستاندا قورشاعان ورتانى قورعاۋ شارالارى كٷشەيتٸلٸپ جاتىر. "جاسىل دامۋ" اق ورمانداردى قورعاۋ جەنە جانۋارلار دٷنيەسٸن قورعاۋ ۇيىمدارىنىڭ ماتەريالدىق-تەحنيكالىق بازاسىن دامىتۋ جوبالارىن 8,5 ملرد تەڭگەدەن استام سوماعا قارجىلاندىردى, دەپ حابارلايدى Dalanews.kz.
6,19 ملرد تەڭگەدەن استام قارجى ورمان ٶرتتەرٸن ەرتە انىقتاۋ جٷيەسٸن ساتىپ الۋعا باعىتتالدى. قاراجات "ٶنەركەسٸپتٸ دامىتۋ قورى" اق ارقىلى بٶلٸندٸ. زاماناۋي باعدارلامالىق-اپپاراتتىق كەشەن اقمولا وبلىسى, استانا قالاسى, قوستاناي وبلىسىنداعى ورمان شارۋاشىلىقتارى مەن مەملەكەتتٸك تابيعي قورىقتارعا بەرٸلدٸ.
جٷيە ورمانداردىڭ جاعدايىن تۇراقتى باقىلاۋعا جەنە ٶرت وشاقتارىن جەدەل انىقتاۋعا ارنالعان. ۇيىم ٶكٸلدەرٸنٸڭ ايتۋىنشا, بۇل تەحنولوگييانى ەنگٸزۋ ٶرت قاۋٸپتٸ ماۋسىمدا ورمان جەنە دالا ٶرتتەرٸنەن كەلەتٸن زالالدى ايتارلىقتاي ازايتۋعا مٷمكٸندٸك بەرەدٸ.
سونىمەن قاتار, كەدەگە جاراتۋ الىمى قاراجاتى ەسەبٸنەن "جاسىل دامۋ" اق تابيعاتتى قورعاۋ قۇرىلىمدارىنىڭ ماتەريالدىق-تەحنيكالىق بازاسىن دامىتۋعا 2,41 ملرد تەڭگە بٶلدٸ.
قاراجات تەحنيكالىق رەگلامەنتتە بەلگٸلەنگەن ەكولوگييالىق تالاپتارعا ساي وتاندىق تەحنيكانى ساتىپ الۋعا جۇمسالدى. تٸزٸمگە تولىق جەتەكتٸ جول تالعامايتىن كٶلٸكتەر, ٶتكٸزگٸشتٸگٸ جوعارى جٷك اۆتوموبيلدەرٸ (ونىڭ ٸشٸندە رەفريجەراتور-تۋشەۆوزدار), سونداي-اق تٸركەمەلٸ جابدىقتارى بار دٶڭگەلەكتٸ تراكتورلار كٸردٸ. بارلىق تەحنيكا جانۋارلار دٷنيەسٸن قورعاۋ, كٶبەيتۋ جەنە پايدالانۋ جۇمىستارىمەن اينالىساتىن ارنايى ۇيىمدارعا بەرٸلدٸ.
بۇعان دەيٸن سايتىمىزدا "ققس مٶلشەرلەمەسٸن ارتتىرۋعا قارسىمىز! بيزنەس قاۋىمداستىق پەتيتسييا جوباسىن ەزٸرلەپ جاتىر" دەگەن ماقالا شىققان. "ەلٸمٸزدە قوسىمشا قۇن سالىعىن ٶسٸرۋ كٶزدەلٸپ وتىر. ساراپشىلار قاۋىمى بۇعان نەگە قارسى" دەگەن ماقالامەن دە تانىسا وتىرىڭىزدار.
