Ushaqta densaýlyq saqtaý ministri Aqmaral Álnazarova kómektesken jolaýshy - belgili jýrnalist Gúlmira Ábiqai bolyp shyqqan, dep habarlaidy Dalanews.kz.
Bul týraly jýrnalistiń ózi áleýmettik jelidegi paraqshasynda habarlady.
"Qoǵam pikiri ekige jarylypty: bul daiyndalǵan stsenarii, PR dese, kelesi top endi ministrden buryn dáriger ǵoi, durys jasaǵan deidi. Al, men dál osy reiste, ekonom klasta 17J orynda otyrǵan jolaýshy retinde densaýlyǵym kenet syr bergende shyn janashyr bolǵan barsha jaqsy jandarǵa alǵys aitqym keledi", - deidi jýrnalist.
Eske salaiyq, kúni keshe áleýmettik jelide densaýlyq saqtaý ministri Aqmaral Álnazarova ushaqta jaǵdaiy kúrt nasharlaǵan jolaýshyǵa alǵashqy kómek kórsetkenin habarlaǵan edik.
Oqiǵa Astana – Almaty baǵytyna ushatyn reiste bolǵan.
Oqiǵaǵa kýá bolǵan jolaýshynyń áleýmettik jelidegi jazbasyna qaraǵanda, jaǵdai tańerteń, ushaq áli ushýǵa daiyndalyp jatqan sátte bolǵan. Jolaýshy qyzdyń hali kúrt nasharlap, ol dárigerdi shaqyrǵan.
