ۇشاقتا دەنساۋلىق ساقتاۋ ءمينيسترى اقمارال ءالنازاروۆا كومەكتەسكەن جولاۋشى - بەلگىلى جۋرناليست گۇلميرا ءابىقاي بولىپ شىققان، دەپ حابارلايدى Dalanews.kz.
بۇل تۋرالى ءجۋرناليستىڭ ءوزى الەۋمەتتىك جەلىدەگى پاراقشاسىندا حابارلادى.
"قوعام پىكىرى ەكىگە جارىلىپتى: بۇل دايىندالعان سەناريي، PR دەسە، كەلەسى توپ ەندى مينيستردەن بۇرىن دارىگەر عوي، دۇرىس جاساعان دەيدى. ال، مەن ءدال وسى رەيستە، ەكونوم كلاستا 17J ورىندa وتىرعان جولاۋشى رەتىندە دەنساۋلىعىم كەنەت سىر بەرگەندە شىن جاناشىر بولعان بارشا جاقسى جاندارعا العىس ايتقىم كەلەدى"، - دەيدى جۋرناليست.
ەسكە سالايىق، كۇنى كەشە الەۋمەتتىك جەلىدە دەنساۋلىق ساقتاۋ ءمينيسترى اقمارال ءالنازاروۆا ۇشاقتا جاعدايى كۇرت ناشارلاعان جولاۋشىعا العاشقى كومەك كورسەتكەنىن حابارلاعان ەدىك.
وقيعا استانا – الماتى باعىتىنا ۇشاتىن رەيستە بولعان.
وقيعاعا كۋا بولعان جولاۋشىنىڭ الەۋمەتتىك جەلىدەگى جازباسىنا قاراعاندا، جاعداي تاڭەرتەڭ، ۇشاق ءالى ۇشۋعا دايىندالىپ جاتقان ساتتە بولعان. جولاۋشى قىزدىڭ ءحالى كۇرت ناشارلاپ، ول دارىگەردى شاقىرعان.
